9:232  Verbum  caro  factum  est,  item:  Hoc  est  corpus  meum.  Quadragesimo  nono  loco,  ut  nobis  mendicitatem  exprobrent,  nescio  quid  a  se  fabricatum  effutiunt:  Nihil  inutile  est  verum:  doctrina  de  praesentia  corporali  est  inutilis:  ergo  non  est  vera.  Hic  dicunt  nos,  sicuti  famelici  solent,  non  tantum  ex  locis  dialecticis,  sed  etiam  ex  rhetorum  campis  pabula  corradere.  Ego  vero  quia  me  sic  rhetoricari  puderet,  illis  relinquo  quod  suum  est.  Interea  sese  adversus  Paulum  defendant,  qui  quaestiones  omnes  damnat  unde  nulla  oritur  aedificatio  (2  Tim.  2,  23).  Certe  si  inutilis  est  eorum  doctrina,  sequetur  eius  causa  perperam  moveri  tam  graves  pugnas.  Papistis  quam  nobis  amiciores  eos  esse  constat.  Si  ob  frivolam  quaestionem:  quam  reddituri  sint  olim  rationem  suae  truculentiae,  nunc  viderint.  Quare  ut  [pag.  271]  maiorem  refellerent,  nihil  opus  fuit  contra  legem  Dei  foetidam  blasphemiam  evomere.  Contendunt  verum  interdum  esse  quod  inutile  est.  Ut  rem  indubiam  l)  probent,  lex  Dei  est  illis  mutilis.  Dixerat  quidem  apostolus,  caeremonias  et  umbras  nihil  profuisse  suis  cultoribus,  nempe  per  se:  an  ideo  tota  lex  inutilis,  cuius  in  ipsa  quoque  hominum  damnatione  perspicitur  utilitas?  Videndum  nunc  restat  quem  fructum  pariat  quod  obtrudunt  commentum.  Locus  ille:  Caro  non  prodest  quidquam  (Ioann.  6,  63),  antehac  fuit  expositus.  Caeterum,  ut  nullis  scripturae  testimoniis  nitamur,  qaum  doctrina  nostra  solidam  Christi  cum  suis  membris  coniunctionem,  in  qua  tota  nostra  salus  et  felicitas  inclusa  est,  contineat:  ipsi  autem  manducationem  postulent  Iudae  et  Petro  promiscuam,  clare  apparet,  de  nihilo  eos  rixari.  In  argumento  etiam  quinquagesimo  fucum  [pag.  272]  faciunt.  Itaque  illis  facile  est  suas  umbras  discutere:  sed  mihi  ita  agenti  respondeant  velim:  Communicatio  substantiae  carnis  Christi,  quam  defendunt,  vel  temporalis  vel  perpetua  est.  Si  perpetuam  dicant,  substantialiter  ergo  in  scelestis  quibuslibet  manebit  Christus,  dum  alius  scortabitur,  alius  iugulabit  hominem  innoxium,  et  quisque  nefandis  criminibus  se  polluet.  Si  est  temporalis,  ac  tantum  unius  momenti,  quorsum  iuvat  Christum  recipere,  quem  eodem  in  loco  relinquas,  simul  ac  pedem  a  mensa  sustuleris?  Certe  nisi  perpetua  sit  communicatio  extra  actionem  coenae,  nihilo  plus  conferet  quam  rei  amissae  recordatio.  Et  certum  est  quod  alibi  affirmat  Dominus  de  perpetua  in  nobis  mansione  sua  (Ioann.  6,  56),  et  quod  de  habitatione  in  cordibus  nostris  per  fidem  docet  Paulus  (Ephes.  3,  7),  in  coena  obsignari.  Unde  colligitur,  communicationem,  cuius  in  coena  sumus  participes,  perpetuam  1)  une  chose  douteuse.