55:232  telis  assuefacti  haec  vitia  imbiberunt:  infantiae  sincera  et  omni  dolo  pura  simplicitas  convenit.  Homines  diu  vivendo  imbuuntur  invidia,  discunt  obtrectare  alii  aliis,  erudiuntur  ad  nocendi  artes:  denique  ad  omne  mali  genus  veteratores  fiunt:  infantes,  nondum  per  aetatem  capiunt  quid  sit  invidere,  nocere,  et  similia.  Vitia  ergo  in  quibus  exercitata  est  carnis  vetustas,  robustis  cibis  comparat:  lac  autem  vocatur  consentanea  innoxiae  naturae  et  simplici  infantiae  vivendi  ratio.  1.  Omni  malitia.  Non  est  integra  omnium  enumeratio  quae  deponi  a  nobis  oportet:  sed  quum  de  veteri  homine  disputant  apostoli,  quaedam  vitia  proponunt  in  exemplum,  quibus  totum  illius  ingenium  designant.  Nota  sunt  carnis  opera,  inquit  Paulus  (Gal.  5,  19):  neque  tamen  omnia  illic  colligit,  sed  in  paucis  illis,  quasi  in  speculo  conspicere  licet  immensam  colluviem  quae  ex  carne  nostra  scaturit.  Ita  et  aliis  locis,  ubi  reformare  vult  totam  hominis  vitam,  paucas  tamen  species  duntaxat  attingit,  unde  intelligi  possit  genus  universum.  Perinde  ergo  valet  quod  dicit:  Atque  depositis  prioris  vitae  fructibus,  quales  sunt,  malitia,  dolus,  simulationes,  invidiae,  et  eiusmodi  reliqua,  addicite  vos  contrariis  studiis:  bonitatem,  sinceritatem,  modestiam  colite.  Denique  hoc  contendit,  ut  novam  vitam  sequantur  novi  mores.  2.  Lac  rationale.  Vulgo  exponunt  hunc  locum,  qualiter  Erasmus  transtulit,  lac  non  corporis,  sed  animae:  quasi  apostolus  hoc  verbo  se  metaphorice  loqui  admoneat.  Ego  potius  hoc  verbum  existimo  convenire  cum  illa  Pauli  sententia  (1.  Cor.  14,  20):  Ne  sitis  pueri  sensu,  sed  malitia.  Ne  quis  enim  putaret  intelligentiae  expertem  infantiam,  fatuitatis  vero  plenam  ab  eo  laudari,  mature  occurrit:  ita  lac  dolo  vacuum  iubet  appetere,  ut  tamen  recta  intelligentia  conditum  sit.  Nunc  videmus  quorsum  haec  duo  epitheta  simul  connectat,  Aoywcov  %cd  aSoXov.  Sunt  enim  res  in  speciem  diversae,  simplicitas  et  perspicientia:  verum  simul  misceri  oportet,  ut  ne  insipida  sit  simplicitas:  nec  pro  intelligentia,  malitiosa  vafrities  obrepat.  Sic  bene  temperata  erit  conditura,  iuxta  illud  Christi,  estote  prudentes  ut  serpentes,  et  simplices  ut  columbae  (Matth.  10,  6).  Atque  hoc  modo  solvitur  quaestio,  quae  alioqui  obiici  poterat.  Paulus  exprobat  Corinthiis,  quod  pueris  sint  similes,  ideoque  solidum  cibum  ferre  nequeant,  sed  lacte  alendi  sint  (1.  Cor.  3,  1).  Eadem  fere  sententia  habetur  in  epistola  ad  Heb.  5,  12.  Verum  illic  pueris  comparantur,  qui  in  pietatis  doctrina  semper  novitii  sunt  ac  rudes  tyrunculi,  qui  in  primis  elementis  haerent,  nec  unquam  penetrant  in  altiorem  Dei  notitiam.  Lac  vocatur  crassior  et  puerilis  docendi  forma,  quum  ultra  prima  rudimenta  nunquam  fit  progressus.  Merito  itaque  hoc  vitio  vertunt  tam  Paulus  quam  autor  epistolae