52:232  allons-nous?  en  quelle  perditioni*  que  nous  provoquions  contre  nous  celuy  auquel  toute  maieste,  empire  et  gloire  est  donnee  afin  d'abysmer  ceux  qui  luy  sont  contraires?  Si  nous  pensions  bien  a  cela  ii  est  certain  que  nous  serions  retenus,  en  sorte  que  toutes  les  cupiditez  de  nostre  chair  et  toutes  les  tentations  du  monde  ne  pourroyent  rien  a  l'encontre  de  nous.  Or  cependant  aussi  S.  Paul  a  voulu  faire  une  comparaison  de  la  venue  premiere  de  nostre  Seigneur  Iesus  Christ  avec  la  seconde.  Pourquoy  est-ce  que  les  meschans  et  les  contempteurs  de  l'Evangile  s'eslevent  ainsi  hardiment,  qu'on  les  voit  ainsi  enragez  et  desbordez.  C'est  qu'ils  oyent  que  Iesus  conversant  yci  bas  en  ce  monde,  a  prins  la  condition  d'un  serviteur,  mesme  qu'il  s'est  aneanti  du  tout,  comme  S.  Paul  en  parle,  iusques  a  ceste  mort  ignominieuse  et  plene  d'opprobres.  D'autant  donc  que  les  ennemis  de  Dieu  no  cognoissent  en  Iesus  Christ  sinon  ceste  infirmite  la,  ils  prenent  occasion  de  blasphemer  contre  luy  avec  une  telle  furie  qu'on  les  voit.  Voire:  mais  ils  ne  regardent  point  que,  comme  il  a  souffert  selon  l'infirmite  de  la  chair,  aussi  il  est  ressuscite  en  la  vertu  de  son  Esprit:  il  a  desploye  alors  une  gloire  sous  laquelle  nous  devons  trembler  tous,  et  grans  et  petis.  Mais  encores  si  les  incredules  ne  cognoissent  point  quelle  est  ceste  vertu  qui  est  apparue  en  la  resurrection  de  nostre  Seigneur  Iesus  Christ,  qu'ils  escoutent  ce  qui  est  yci  dit:  c'est  ascavoir  qu'il  ne  viendra  point  pour  estre  contemptible.  Il  est  apparu  tel  alors  pour  estre  rendu  obeissant  en  nostre  nom,  comme  il  faloit  qu'il  satisfeist  pour  nos  pechez  :  mais  maintenant  il  viendra  pour  estre  Iuge.  Il  a  este  iuge  et  condamne  afin  que  nous  fussions  delivrez  devant  le  siege  iudicial  de  Dieu,  et  que  nous  fussions  absous  de  tous  nos  pechez.  Il  ne  sera  plus  question  qu'il  viene  en  telle  humilite,  il  viendra  donc  avec  les  Anges  de  sa  gloire.  Voyla  ce  que  S.  Paul  a  voulu  noter,  afin  que  les  meschans  et  incredules  ne  prenent  occasion  de  mespriser  ceste  venue  derniere  qui  reste,  sous  ombre  que  Iesus  Christ  est  une  fois  apparu  selon  l'infirmite  de  nostre  chair,  qu'il  a  este  semblable  a  nous,  et  mesmes  a  este  fait  comme  un  ver  de  terre,  comme  il  en  est  parle  au  Pseaume,  et  comme  aussi  il  est  dit  en  Isaie,  qu'il  a  este  desfigure  iusques  au  bout,  qu'il  estoit  plein  de  playes,  et  le  tout  pour  nostre  redemption.  Car  depuis  qu'il  a  accompli  ce  qui  estoit  deu  selon  la  iustice  de  Dieu,  il  ne  reste  plus  sinon  que  maintenant  il  se  monstre  en  ceste  gloire  qui  luy  est  donnee,  comme  nous  savons  que  c'est  celuy  que  Dieu  a  exalte,  comme  dit  S.  Paul,  qu'il  luy  a  donne  un  nom  par  dessus  tout  nom,  tellement  qu'il  faut  que  tout  genoil  se  ploye  devant  luy,  et  des  Anges,  et  des  hommes,  et  des  creatures  terrestres,  et  mesmes  iusques  aux