51:232  eximere.  Praesertim  vero  inter  eos  regnat  eiusmodi  iniquitas  qui  et  plus  valent,  et  honore  sunt  superiores.  Bemittentes  minas.  Contumelias  omne  genus,  quae  manant  ex  dominorum  superbia,  uno  verbo  complectitur  :  ac  si  vetaret  nimis  imperiose  dominari,  ut  conspectus  eorum  sit  formidabilis,  ac  si  semper  mali  aliquid  minitarentur,  quoties  servos  compellant  Minarum  enim  et  omnis  atrocitatis  hoc  initium  est,  quod  servos  domini,  quasi  sua  tantum  causa  natos,  nihilo  pluris  faciunt  quam  pecudes.  Ergo  sub  una  specie  vetat  ne  contumeliose  et  atrociter  tractentur.  Illorum  Dominus  et  vester.  Perquam  necessaria  admonitio.  Ideo  enim  nihil  non  audemus  in  eos,  qui  nobis  subiecti  sunt,  quia  neque  resistendi  facultas  illis  est,  neque  in  ius  adeundi  potestas  conceditur  :  nullus  vindex,  nullus  defensor  apparet,  vel  etiam  qui  miserationis  causa  dignetur  querimonias  audire.  Denique  hic  accidit  quod  vulgo  dicitur,  impunitatem  esse  matrem  licentiae.  Verum  hic  Paulus  admonet,  ita  praeesse  servis  dominos,  ut  habeant  communem  in  coelis  Dominum,  cui  sit  reddenda  ratio.  Et  non  est  acceptio.  Perstringunt  nobis  oculos  personae,  ut  neque  ius,  neque  aequitas  locum  habeat:  sed  Paulus  illas  coram  Deo  quidquam  valere  negat.  Persona  est  quidquid  praeter  causae  veritatem  in  homine  respicimus  in  iudicando.  Ut  cognatio,  forma,  nobilitas,  divitiae,  amicitia,  et  quae  sunt  eius  generis,  favorem  conciliant:  quae  contraria  sunt,  contemptum  afferunt,  et  aliquando  etiam  odium.  Quoniam  in  hominum  iudiciis  ut  plurimum  regnant  praeposteri  isti  affectus  ex  personae  intuitu  concepti:  qui  dignitate  pollent,  sibi  perinde  blandiuntur  ac  si  iisdem  corruptelis  Deum  sibi  propitium  habituri  essent,  Quisnam  ille  est  ut  rationem  eius  habeat  Deus,  et  patrocinium  contra  me  suscipiat?  Ex  adverso  hic  Paulus  asserit  falli  dominos,  si  putant  servos  suos  coram  Deo  viles  aut  nihili  fore,  quia  tales  sint  coram  mundo:  nam  Deo  curae  non  esse  personas,  nec  hominis  abiectissimi  causam  pilo  deteriorem  fore  quam  summi  principis.  10.  Quod  superest,  fratres  mei,  sitis  fortes  in  Do<-  mino,  et  in  robore  potentiae  ipsius.  Ll.  Induite  totam  armaturam  Dei,  ut  possitis  stare  adversus  insidias  diaboli.  12.  Quia  non  est  nobis  lucta  adversus  carnem  et  sanguinem,  sed  adversus  principatus,  adversus  potestateSj  adversus  mundanos  principes  tenebrarum  saeculi  huius,  adversus  spirituales  malitias  in  coelestibus.  13.  Quapropter  assumite  totam  armaturam  Dei,  ut  possitis  resistere  in  die  malo  et  omnibus  peractis  stare.  10.  Quod  superest  Iterum  ad  generales  exhortationes  redit:  ac  primum  quidem  iubet  eos  fortes  esse,  vel  colligere  animum  et  robur.  Quia  semper  multa  sunt,  quae  nos  debilitent:  et  nobis  ad  resi-