5:232  incertae  fidei,  quarto  Esdrae  et  secundo  Machabaeorum,  quibus  nihil  aliud  responsum  volumus,  quam  quod  prius  disseruimus  de  resurrectione.  Quanquam  hic  omnibus  se  produnt,  quam  sint  perdita  fronte,  qui  Esdram,  quum  totus  noster  sit,  ad  se  trahere  audent.  Machabaeorum  libros  pro  se  proferre  non  verentur:  ubi  Ieremias  mortuus  Dominum  precatur,  pro  belligerante  populo;  ubi  instituuntur  pro  defunctis  orationes,  ffol.  51]  quibus  a  peccatis  solvantur.  Habent  forte  et  alia:  sed  mihi  incognita.  Ut  cui  eorum  commenta  omnia  videre  non  contigit.  Nihil  sane  praeterii  sciens,  quod  simpliciores  vel  de  gradu  deiicere,  vel  movere  posset.  Istud  rursum  lectores  omnes  fsi  vqui  tamen  erunt)  memoria  tenere  volo:  Catabaptistas  (quos,  ad  omne  genus  flagitiorum  designandum,  nominasse  satis  est)  esse  praeclari  huius  dogmatis  autores.  Merito  enim  debet  nobis  esse  suspectum,  quidquid  a  tali  officina  prodierit:  quae  tot  portenta  et  fabricata  est  et  quotidie  fabricatur.  FINIS.