49:232  omnes  esse  illius  iudicio  obnoxios:  non  modo  nullam  ab  eo  gratiam  promeritos,  sed  aeterna  morte  plus  quam  dignos  esse.  Nec  vero  tantum  corruptae  et  vitiosae  naturae  respectu  Deum  nihil  nobis  debere  Paulus  colligit:  sed  si  integer  esset  homo,  negat  tamen  quidquam  afferre  coram  Deo  posse,  quo  sibi  gratiam  conciliet:  quia  simul  atque  esse  incipit,  iam  ipso  creationis  iure  ita  est  opifici  suo  addictus,  ut  nihil  proprium  habeat  Frustra  ergo  ius  ei  suum  eripere  tentabimus,  ne  libere,  prout  visum  fuerit,  de  suis  figmentis  statuat,  ac  si  mutua  esset  accepti  et  expensi  ratio.  36.  Quoniam  ex  illo  et  per  illum.  Confirmatio  est  proximae  sententiae.  Multum  enim  abesse  ostendit,  ut  possimus  ullo  proprio  bono  gloriari  adversus  Deum,  quum  ipsi  ab  eo  simus  ex  nihilo  creati  et  in  ipso  nunc  consistat  nostrum  esse.  Inde  aequum  esse  colligit,  ut  in  eius  gloriam  dirigatur.  Quam  enim  praeposterum  esset,  quas  ipse  finxit  creaturas,  et  quas  conservat,  alio  quam  ad  illustrandam  eius  gloriam  referri?  Non  me  fugit  particulam  dc  auxov,  pro  ev  aoi(p  interdum  accipi,  sed  abusive.  Quum  autem  proprius  significatus  magis  praesenti  argumento  quadret,  eum  retinere  praestat  quam  ad  improprietatem  confugere.  Summa  est,  praepostere  everti  totum  naturae  ordinem,  nisi  Deus,  qui  principium  est  rerum  omnium,  idem  etiam  sit  finis.  Ipsi  gloria.  Propositionem  velut  probatam  nunc  confidenter  pro  indubia  assumit,  quod  scilicet  ubique  sua  Domino  gloria  immobilis  manere  debeat.  Frigida  enim  erit  sententia  si  eam  generaliter  accipias,  sed  emphasis  a  circumstantia  loci  pendet,  Deum  sibi  iure  vendicare  merum  imperium,  et  in  statu  humani  generis  ac  totius  mundi  nihil  extra  eius  gloriam  quaerendum  esse.  Unde  sequitur,  absurdas  ac  ratione  alienas,  imo  insanas  esse  cogitationes  quaecunque  ad  detrectandam  eius  gloriam  vergunt.  CAPUT  XII.  1.  Obsecro  itaque  vos  fratres  per  miserationes  Dei,  ut  sistatis  corpora  vestra  hostiam  vivam,  sanctam,  acceptam  Deo,  rationabilem  cultum  vestrum.  2.  Et  ne  conformetis  vos  huic  mundo:  sed  transfiguremini  renovatione  mentis  vestrae  :  ut  probetis  quae  sit  voluntas  Dei  bona,  et  placita,  et  perfecta.  Postquam  ea  tractavit  Paulus,  unde  necesse  erat  in  regno  Dei  erigendo  incipere,  ab  uno  Deo  petendam  iustitiam,  ab  unica  eius  misericordia  salutem  nobis  inquirendam1),  in  solo  Christo  positam  nobis  esse  bonorum  omnium  summam,  et  quotidie  proponi:  nunc  optimo  ordine  transit  ad  formandos  mores.  Siquidem  salvifica  illa  Dei  Christique  eogni-  *)  esse