30:232  interim  Deum  et  homines  adversum  se  provocantibus,  sibique  victoriam  promittentibus  et  triumphos  apparantibus,  qui  tamen  ruinae  et  exitio  certissimo  magis  ac  magis  propinquant.  In  primis  autem  observandum  hic  nominatim  fieri  mentionem  nominis  Dei,  ut  significetur  ipsa  Dei  virtus,  quem  si  auxiliatorem  et  servatorem  experiri  volumus,  invocare  qualem  se  nobis  patefecit  in  nostris  difficultatibus  debemus.  Neque  enim  vox  illa  nomen  simpliciter  pro  vocabulo  illo  accipienda  est:  sed  pro  virtute  quae  hoc  nomine  designatur.  Sacra  vero  scriptura  solet  ita  loqui,  ut  Deum  indicet  a  nobis  invocandum  ea  fiducia  qua  cultum  ipsi  debitum  offeramus,  et  qualem  se  nobis  patefecit  agnoscamus.  Sic  Psalmo  50  Deus  iubet  se  invocari.  Invoca  me,  inquit,  tempore  angustiae:  et  te  exaudiam  ut  honore  me  afficias.  Licet  igitur  invicta  Dei  virtus  semper  parata  sit  ad  auxilium  nobis  in  angustis  rebus  ferendum,  non  tamen  ad  illam  confugere  possumus,  nisi  prius  eam  cognoscamus,  neque  effectum  sentire,  et  utilitatem  ex  ea  referre,  nisi  ut  nostri  misereatur  precemur.  Porro  David  didicerat,  ut  ante  docuimus,  in  uno  Deo  conquiescendum,  et  ad  ipsum  solum  ut  tutissimum  asylum  confugiendum,  ex  legis  doctrina,  et  precibus  et  orationibus  crebris  in  ea  se  exercuerat.  Nos  itaque  Davidis  exemplum  imitati,  quum  apud  incredulos  gloriabimur,  hoc  nomine  cum  ipso  gloriari  discamns,  nos  nempe  Deum  non  simulate  neque  externo  tantum  ritu,  sed  sincere  et  ia  vera  fiducia  invocare,  quandoquidem  ab  ipso  vita  nostra  et  salus  dependet,  et  nos  nihil  a  nobis  ipsis  possumus:  et  ipsius  freti  promissionibus  sperare  fore  ut  nunquam  nos  ipsum  quaerentes  deserat,  sed  praesens  auxilium  in  rebus  angustis  ferat.  Sequitur  :  Hodie  dabit  te  Dominus  in  manu  mea,  et  percutiam  te,  et  auferam  caput  tuum  a  te,  et  dabo  cadavera  castrorum  Philistaeorum  hodie  volatilibus  Coeli  et  bestiis  terrae.  Idem  et  Goliathus  Davidi  minatus  fuerat,  nisi  quod  hic  David  minatur  etiam  castris  Philistaeorum  ultimum  exitium:  Deo  dante  ipsi  ut  victoriam  referret,  non  tantum  de  uno  gigante,  sed  de  illo  numeroso  exercitu  qui  adversus  Dei  populum  tam  superbe  et  contumeliose  insurrexerat.  Porro  haec  loquendi  phrasis:  Dare  cadavera  caesorum  volatilibus  coeli  et  bestiis  terrae,  frequenter  occurrit  in  sacris,  qua  mortis  ignominiosae  species  significatur.  Minatur  itaque  David  Goliatho  non  tantum  necem,  sed  etiam  post  mortem  dedecus  et  ignominiam,  fore  nimirum  ut  cadaver  ipsius  insepultum  iaceat,  et  bestiis  terrae  et  avibus  fiat  pastus  et  esda:  et  eandem  fore  etiam  reliquorum  Philistaeorum  conditionem.  Goliathus  etiam  idem  Davidi  satis  crudeliter  et  superbe  minatus  fuerat:  hunc  itaque  morem  militarem  etiam  David  quidem  imitatus  est:  solent  enim  milites  sic  suis  hostibus  insultare,  ut  non  tantum  necem  minentur,  sed  etiam