20:232  quelque  degre  qui  soit  ou  estat,  ou  quelque  credit  quil  ait  envers  vous,  ou  en  quelque  reputation  que  vous  le  teniez,  nait  honte  de  se  submectre  a  lordre  que  le  filz  de  Dieu  a  luymesme  mis,  et  ploier  le  col  pour  recevoir  son  ioug.  Car  ie  vous  asseure,  Madame,  que  sans  ce  remede  il  y  aura  une  licence  desbordee  pour  engendrer  une  horrible  confusion.  Ceulx  qui  font  quelque  protestation  de  crestiente  seront  pour  la  plus  part  dissolus.  Brief  il  y  aura  ung  evangile  volaige  et  comme  bisarre6)  car  on  voit  comme  chacun  se  flatte  et  se  dispense7)  a  suyvre  ses  appestitz.  Cest  merveilles  que  ceulx  qui  se  sont  voluntairement  assubiectis  a  la  tirannie  du  pape,  ne  peuvent  souffrir  que  Jesuschrist  domine  amiablement  sur  eulx  a  leur  salut.  Mais  pour  vray  le  Diable  use  de  cest  artifice  afin  de  mectre  la  verite  de  Dieu  en  opprobre,  faire  vilipender  la  pure  religion  et  blasphemer  le  nom  sacre  de  nostre  redempteur.  Ainsy,  Madame,  pour  avoir  eglise  deuement  refformee,  il  est  plus  que  requis  davoir  gens  qui  aient  la  superintendance  de  veiller  sur  la  vie  de  chacun.  Et  afin  que  nul  ne  se  sente  greve  de  rendre  compte  devant  les  anciens  ausquelz  telle  charge  sera  commise,  quilz  soient  esleuz  de  leglise  comme  cest  bien  raison  que  ceste  liberte  soit  gardee,  et  aussy  que  cela  serve  a  choisir  avec  plus  grande  discretion  ceulx  qui  seront  propres  et  ydoines,  et  approuvez  telz  de  la  compaignie.  Je  ne  doubte  pas,  Madame,  que  vous  naiez  ayde  nostre  frere  de  Coulonge8)  de  vostre  authorite  a  dresser  tel  ordre.  Mais  scachant  a  combien  de  corruptions  les  cours  des  princes  sont  subiectes,  il  ma  semble  quil  ne  seroit  point  superflu  de  vous  exhorter  a  le  maintenir.  Mesmes  il  est  bon  que  vous  soiez  advertie  dune  chose,  cest  que  de  tout  temps  le  Diable  sest  efforce  de  rendre  par  rappors  sinistres  et  detractions  les  ministres  de  levangille  contemptibles,  ou  quon  les  hait  ou  quon  en  fust  desgouste.  Parquoy  tous  fidelles  ont  bien  a  se  garder  de  telle  astuce.  Car  de  faict  en  se  faschant  de  la  pasture  de  salut,  sest  se  despiter  plus  que  contre  son  ventre,  veu  quil  est  question  de  la  vie  des  ames.  Quoy  quil  en  soit,  Madame,  sil  y  en  avoit  qui  tendissent,  et  feust  ce  obliquement,  a  vous  descouraiger  de  poursuyvre  comme  vous  avez  si  bien  commence,  vous  avez  a  les  fuir  comme  pestes  mortelles.  Et  de  faict  le  Diable  les  suscite  pour  les  aliener  oblicquement  de  Dieu  lequel  veult  estre  recongneu  en  ses  serviteurs.  6)  Cest  ainsi  qu'a  ecrit  M.  Bonnet,  en  mettant  cependant  un  point  d?interrogation.  Le  fait  est  que  notre  plus  ancien  texte  porte:  bibarre,  Henry  a  mis  Cibarre,  egalement  avec  (?)  7)  dispose  H.  Bt  8)  Morel