10.1:232  mul  uxores  habere,  excipere  voluit  Deus,  ne  duae  sorores,  vel  cognatae,  quod  idem  est,  in  certamen  vel  aemulationem  committerentur.  II.  Quia  hactenus  non  tam  severe,  ut  decebat,  animadversum  fuit  in  adulteria,  ut  eorum  vitae  parcatur,  qui  violant  fidem  coniugii,  durum  esset  virum,  quocum  divortium  fecit  uxor  adulterii  causa,  aut  mulierem  a  marito  repudiatam,  si  incontinentia  laborent,  in  totam  vitam  a  coniugio  arcere.  Itaque  necesse  est,  ut  indulgentia  una  alteram  trahat.  Consultum  tamen  non  videtur,  in  eius  partis,  quae  damnata  est,  arbitrio  ponere,  ut  statim  ad  alias  nuptias  transvolet.  Ideoque  libertas  ad  tempus  differenda  est,  sive  praescribere  libeat  certum  tempus,  sive  exspectare  dum  pars  innoxia  ad  aliua  coniugium  transeat.  III.  Frigidos  et  eunuchos,  quibus  negata  est  virilitas,  diserte  a  matrimonio  excludit  Christ^.  Et  certe  quum  nihil  magis  consensui  repugnet  quam  error,  non  potest  obstricta  esse  mulieris  fides  quae  viro  se  nubere  putavit.  Adde  quod  haec  frustratio  coniugii  naturam  et  finem  prorsus  evertit.  Nam  matrimonium  quid  aliud  est,  quam  maris  et  foeminae  coniunctio?  Quorsum  vero  institutum  est,  nisi  ob  duos  fines,  nempe  vel  ad  sobolem  procreandam,  vel  ut  remedium  sit  incontinentiae?  Ergo  dubium  non  est,  quin  mulier  quae  decepta  fuit,  causa  cognita  et  bene  probata,  divortium  impetrare  debeat.  Nec  vero  opus  est  rescindere  coniugium,  quod  ab  initio  nullum  fuit:  sed  pronunciare  sufficiet  eum  qui  ad  coniugium  idoneus  non  erat,  perperam  et  malo  dolo  foeminam  decepisse,  cui  maritus  esse  non  poterat:  atque  ita  stipulationem  in  qua  nihil  erat  mutuum,  irritam  faisse  ac  prorsus  nullam.  IV.  Matrimonium  non  nisi  inter  puberes  legitimum  esse,  merito  semper  iudicatum  fuit.  Itaque