1:232  [CO  1.  232]  animentur,  dum  docentur,  Dei  se  legatos  esse,  cui  administratae  provinciae  rationem  sint  reddituri.  Et  merito  apud  eos  plurimum  haec  admonitio  valere  debet.  Nam  si  quid  delinquunt,  non  hominibus  modo  sunt  iniurii  quos  scelerate  vexant,  sed  in  Deum  quoque  ipsum  contumeliosi,  cuius  sacrosancta  iudicia  polluunt.  Rursum  habent  et  unde  se  praeclare  consolentur,  dum  secum  reputant,  non  in  profanis,  nec  a  servo  Dei  alienis  occupationibus  versari,  sed  sanctissimo  munere,  quippe  qui  Dei  legatione  fungantur.  Qui  vero  non  moventur  tot  scripturae  testimoniis,  quo  minus  sacrum  hoc  ministerium  insectari  ausint,  quasi  rem  a  religione  et  pietate  christiana  abhorrentem,  quid  aliud  quam  Deum  ipsum  suggillant,  cuius  ignominia,  cum  ministerii  sui  probro  non  esse  coniuncta  non  potest?  Ac  prorsus  non  magistratus  reprobant,  sed  Deum  abiiciunt,  ne  super  se  regnet.  Si  enim  istud  vere  de  populo  Israel  a  Domino  dictum  est  (1  Sam.  8),  quod  Samuelis  imperium  detrectassent:  qui  minus  vere  hodie  de  his  dicetur,  qui  in  praefecturas  omnes  a  Deo  institutas  debacchari  sibi  permittunt? [p. 479]  At  cum  discipulis  dictum  est  a  Domino  (Luc.  22)  :  Reges  gentium  dominari  illis,  inter  ipsos  vero  non  ita  esse,  ubi  qui  primus  sit,  fieri  minimum  oporteat;  hac  voce  interdictum  est  Christianis  omnibus,  ne  regna  aut  praefecturas  capessant.  O  dextros  interpretes.  Inter  discipulos  orta  erat  contentio,  quis  alium  praecelleret.  Hanc  vanam  ambitionem  ut  compesceret  Dominus,  eorum  ministerium  non  esse  regnis  simile  docuit,  in  quibus  inter  cae-  [OS  263]  teros  unus  eminet.  Quae  collatio,  quid  quaeso  ad  ignominiam  regiae  dignitatis  facit?  Imo  quid  omnino  evincit,  nisi  regium  munus,  apostolicum  non  esse  ministerium?  Praeterea,  inter  ipsos  magistratus  tametsi  variae  sunt  formae,  nullum  tamen  discrimen  hac  in  parte  est,  quin  pro  Dei  ordinationibus  suscipiendae  a  nobis  omnes  sint.  Nam  et  omnes  simul  complectitur  Paulus,  cum  ait  (Rom.  13):  non  esse  potestatem  nisi  a  Deo,  et  quae  omnium  minime  arridebat,  eximio  prae  aliis  testimonio  commendata  est,  nempe  unius  potestas;  quae  quia  publicam  omnium  servitutem  secum  fert,  excepto  uno  illo,  cuius  libidini  omnia  subiicit,  heroicis  et  excellentioribus  ingeniis  minus  olim  approbari  potuit.  At  scriptura,  quo  iniquis  istis  iudiciis  occurrat,  divinae  sapientiae  providentiam  esse  nominatim  affirmat,  quod  reges  regnant,  et  peculiariter  regem  honorari  praecipit  (Prov.  8.  24.  1  Petr.  2).  Et  sane  valde  otiosum  est,  quis  potissimus  sit  politiae  status,  a  privatis  hominibus  disputari [p. 480]  quibus  de  constituenda  re  aliqua  publica  deliberare  non  licet;  tum  etiam  simpliciter  id  definiri  nisi  temere  non  potest,  cum  praecipua  huius  disputationis  ratio  in  circumstantiis  posita  sit,  et  si  ipsos  etiam  status  citra  circumstantias  inter  se  compares,  non