8:231  231  PROCES  DE  BOLSEC.  232  agnoscimus,  fidem  gratia  praeveniri.  Hinc  nondum  renatis  hominum  viribus  nihil  tribuimus  nisi  corruptionem,  peccatum  voluntarium,  culpam  ac  poenam:  at  renatis  spiritu  Dei  voluntariam  et  bonam  operationem  tribuimus,  iuxta  illud  apostoli:  Animalis  homo  non  percipit  ea  quae  sunt  spiritus  Dei.  Item:  Non  idonei  sumus  ex  nobis  ipsis  cogitare  quidquam  tanquam  ex  nobis  ipsis:  sed  omnis  idoneitas  nostra  ex  Deo  est.  Idem  enim  alibi  dicit:  Deus  est  qui  agit  in  vobis,  et  ut  velitis  et  ut  efficiatis  pro  bono  animi  proposito.  Nam  et  in  evangelio  legitur:  Si  vos  filius  liberaverit  vere  liberi  eritis.  Nam  ubi  spiritus  Domini,  ibi  libertas.  Ubi  tamen  nihilominus  agnoscimus  carnis  remanere  reliquias,  ut,  iuxta  apostoli  verbum,  quod  non  volumus  faciamus:  ideoque  illi  nosmetipsi  mente  serviamus  legi  Dei,  carne  vero  legi  peccati  :  ut  per  totam  vitam  etiam  regenitorum  gratia  quod  agat  inveniat.  Id  enim  David  sentiens  dixit:  Ne  intres  in  iudicium  cum  servo  tuo:  quia  non  iustificabitur  in  conspectu  tuo  omnis  vivens.  Porro  quod  reprobi  verbo  Dei  non  credunt  sed  impie  contra  Deum  vivunt,  id  quidem  ipsis  imputari  debet,  non  Deo,  qui  quos  damnat,  iusto  et  merito  damnat.  Sed  et  peccatum  non  in  Deo  sed  in  homine  haeret.  Deus  enim,  immaculata  via  eius:  et  Deus  iniquitatem  non  volens  ipse  est.  Iustus  est  in  omnibus  viis  suis,  et  sanctus  in  omnibus  operibus  suis.  Postremo  non  tollimus  ordinem  ex  salutis  negotio:  non  reiicimus  aut  commiscemus  causas  vel  propinquas  vel  remotas.  Confitemur  Deum  Iobo  citra  culpam  suam  intulisse  manum.  Confitemur  illum  opera  usum  esse  Satanae  et  militum  satanicorum,  qui  tamen  culpa  minime  liberandi  sunt,  quum  oculus  ipsorum  fuerit  pravus.  Sed  et  ipse  Iob  testimonium  nobis  ferens:  Dominus,  inquit,  dedit,  Dominus  abstulit.  Non  autem:  Dominus  dedit,  ait,  diabolus  abstulit.  Haec  est  sententia  nostra  paucis  comprehensa  his  literis  et  in  scriptis  nostris  exposita  fusius:  ex  qua  qui  volent,  sepositis  personis,  seposito  favore  aut  odio,  facile  de  consensione  aut  dissensione  nostra  iudicabunt.  Amamus  vos,  fratres,  amamus  ecclesiam  vestram,  ac  Dominum  ex  animo  oramus,  ut  turbas  omnes  feliciter  clemens  et  benignus  consopiat.  Orate  pro  nobis  Dominum.  Vivite  et  valete,  domini  et  fratres  in  Christo  colendi  et  dilecti.  Tiguri  27  Novemb,  anno  1551.  Pastores  doctoresque  ministri  ecclesiae  Tigurinae.  1)  1)  Nomina  subscribenttwn  in  nullo  exemplari,  nobis  cognito  legimus.  XLVIII.