55:231  231  EPIST.  PETRI  I  232  Petrus,  vobis  annuntiatum  est,  significat,  verbum  non  alibi  quam  in  praedicatione,  quae  nobis  offertur,  quaerendum  esse:  et  sane  non  aliter  vim  illam  aeternitatis  sentimus  quam  fide.  Atqui  nulla  erit  fides,  nisi  verbum  destinari  nobis  sciamus.  Eodem  pertinet  quod  dicebat  Moses  populo  (Deut.  30,  12):  ne  dixeris  in  corde  tuo,  quis  adscendet  in  coelum,  ete.  Prope  est  verbum  in  ore  tuo  et  in  corde  tuo.  Illam  enim  concionem  cum  hac  Petri  congruere  Paulus  ostendit,  Rom.  10,  6,  quum  tradit  illud  esse  fidei  verbum  quod  praedicabat.  Praeterea  hic  non  vulgari  elogio  externa  praedicatio  ornatur,  quum  Petrus  illam  esse  vivificam  pronuntiat.  Solus  quidem  est  Deus  qui  nos  regenerat,  sed  ad  eam  rem  utitur  hominum  ministerio.  Qua  ratione  gloriatur  Paulus  Corinthios  spiritualiter  a  se  genitos  (1.  Cor.  4,  15).  Certum  quidem  est  eos  qui  plantant  et  rigant,  nihil  esse:  sed  quoties  Dominus  benedicere  vult  eorum  labori,  spiritus  sui  virtute  facit  ut  efficax  sit  eorum  doctrina:  et  vox  quae  per  se  mortua  est,  vitae  aeternae  sit  organum.  CAPUT  IL  1.  Proinde  deposita  omni  malitia,  et  omni  dolo,  et  simulationibus,  et  invidiis,  et  omnibus  obtrectationibus,  2.  tanquam  modo  geniti  infantes,  lac  rationale  et  dolo  vacuum  appetite,  ut  per  illud  subolescatis:  3.  Si  quidem  gustastis  quod  benignus  sit  Dominus:  4.  Ad  quem  accedentes,  qui  est  lapis  vivus,  ab  hominibus  quidem  reprobatus,  apud  Deum  vero  electus  ac  pretiosus:  5.  ipsi  quoque  tanquam  vivi  lapides  aedificamini  domus  spiritualis,  sacerdotium  sanctum,  ad  offerendas  spirituales  hostias,  acceptas  Deo  per  Iesum  Christum.  Postquam  fideles  docuit  verbo  Dei  esse  regenitos,  nunc  hortatur  ad  ducendam  vitam  quae  geniturae  respondeat.  Si  enim  spiritu  vivimus,  etiam  spiritu  ambulandum  est,  ut  inquit  Paulus  (Gal.  5,  25).  Ergo  non  sufficit  nos  semel  a  Domino  renovatos  esse,  nisi  vivamus  ut  novas  creaturas  decet.  Haec  summa  est.  Verum  quod  pertinet  ad  verba,  metaphoram  suam  continuat  apostolus.  Nam  quia  sumus  regeniti,  puerilem  a  nobis  vitam  exigit:  quo  significat  exuendum  esse  cum  operibus  suis  veterem  hominem.  Ideo  congruit  haec  sententia  cum  illa  Christi  (Matth.  18,  2):  nisi  efficiamini  sicut  parvulus  iste,  non  intrabitis  in  regnum  Dei.  Et  infantia  haec,  carnis  vetustati,  quae  ad  corruptionem  tendit,  a  Petro  opponitur.  Lactis  vero  nomine,  affectus  omnes  spiritualis  vitae  comprehendit.  Est  enim  in  hac  quoque  parte  antithesis  inter  vitia,  quae  recenset,  et  lac  rationale,  AC  si  dixisset,  malitia  et  simulatio  eorum  est,  qui  mundi  corrup-