52:231  231  SERMON  232  fusion  de  tous  ceux  qui  n'ont  point  creu.  Au  reste,  cognoissons  iusques  a  tant  que  Dieu  ait  illumine  les  hommes,  qu'ils  sont  tous  ignorans  et  aveugles.  Et  pourquoy  ?  Car  nous  avons  beau  cognoistre  tout  ce  qui  sera  au  ciel  et  en  la  terre,  iusques  a  tant  que  nous  ayons  cognu  Dieu,  de  quoy  servira  tout  le  reste?  Or  nous  ne  le  cognoistrons  point  iusques  a  tant  qu'il  nous  ait  illuminez  par  son  sainct  Esprit.  De  la  donc  nous  voyons  que  nous  ne  serons  point  excusez  de  nostre  ignorance,  afin  que  nul  ne  se  flatte  et  ne  s'endorme:  mais  cependant  notons  aussi  que  quand  nous  aurons  cognu  Dieu,  c'est  bien  raison  que  nous  soyons  assuietis  a  luy,  qu'il  nous  tiene  en  bride,  et  que  sa  volonte  soit  pour  guider  toutes  nos  pensees  et  affections,  et  que  nous  ayons  une  foy  telle  a  l'Evangile  que  nous  puissions  protester  comme  David,  que  ceste  doctrine  nous  est  plus  douce  que  miel,  et  plus  precieuse  qu'or  ny  argent.  Voyla  quant  a.  ce  point.  Au  reste,  nous  voyons  yci  comme  Dieu  veut  nous  certifier  de  nostre  salut.  Oar  si  Iesus  Christ  doit  venir  pour  faire  vengence  sur  tous  ceux  qui  n'ont  point  creu  en  l'Evangile,  mais  y  ont  resiste,  nous  pouvons  et  devons  conclure  que  le  monde  ne  sera  iuge  que  selon  l'Evangile.  Or  la  il  nous  est  dit  que  quand  nous  aurons  receu  en  vraye  foy  les  promesses  de  Dieu,  il  ne  faut  point  que  nous  doutions  de  sa  bonte  et  de  son  amour  envers  nous,  que  nous  doutions  que  Iesus  Christ,  ne  face  valoir  ce  qu'il  a  offert  pour  nous  et  nostre  redemption.  Tous  ceux  donc  qui  croyent  en  l'Evangile  se  peuvent  glorifier  sans  aucune  doute,  que  Iesus  Christ  viendra  pour  leur  Redempteur,  Et  c'est  la  certitude  que  Dieu  nous  donne,  moyennant  que  nous  ne  refusions  point  un  tel  bien.  Quant  a  ce  que  S.  Paul  parle  yci  de  la  puissance  de  Iesus  Christ  et  de  sa  gloire,  c'est  afin  que  sa  venue  soit  plus  espovantable  a  tous  incredules  et  rebelles.  Est-ce  peu  de  chose  quand  il  est  dit  que  Iesus  Christ  viendra  en  la  compagnie  des  Anges,  qu'il  viendra  avec  flamme  de  feu,  qu'il  viendra  avec  une  maieste  incomprehensible,  voire  pour  foudroyer  a  l'encontre  de  tous  ceux  qui  luy  seront  ennemis?  Par  cela  donc  nous  voyons  que  S.  Paul  a  voulu  yci  admonester  les  incredules,  s'il  y  avoit  quelque  remede  en  eux,  qu'ils  avisassent  a  ne  demeurer  pas  tousiours  incorrigibles.  Cependant,  pource  que  nous  voyons  que  ceux  qui  sont  amenez  par  Satan  et  endurcis  ne  font  que  se  mocquer  de  toutes  les  menaces  de  Dieu,  que  nous  y  profitions  de  nostre  coste:  et  quand  nous  oyons  que  Iesus  Christ  viendra  d'une  facon  si  terrible,  que  par  cela  nous  soyons  retenus  en  crainte  et  en  bride,  tellement  que,  quand  Satan  nous  viendra  picquer  ou  chatouiller  pour  nous  faire  destourner  de  l'obeissance  de  l'Evangile,  nous  pensions  a  nous  pour  dire,  Et  comment  en