51:231  231  EPIST.  PADLI  AD  EPHESIOS  232  talem  spiritualem,  quae  praecipue  expetenda  est.  'O^fraXfioSooAscac  meminit,  quia  communis  fere  servorum  omnium  est  adulatio.  Verum  simul  atque  terga  vertit  dominus,  contemptu  eius  nec  sine  ludibrio  lasciviunt.  Pios  ergo  Paulus  ab  hac  fallaci  simulatione  procul  remotos  esse  iubet  8.  Unusquisque  quidquid  boni.  Praeclara  consolatio:  quod  si  negotium  illis  sit  cum  ingratis  dominis  et  malignis,  Deus  acceptum  sibi  feret  quidquid  hominibus,  licet  indignis,  impenderint.  Haec  enim  cogitatio  plerumque  servos  ignaviores  reddit,  quod  dum  fastum  et  arrogantiam  dominorum  expendunt,  putant  se  operam  perdere.  Paulus  autem  docet,  apud  Deum  repositam  illis  mercedem  pro  officiis,  quae  male  videntur  apud  homines  parum  humanos  collocari:  proinde  non  esse  causam  cur  abducantur  a  recto  cursu.  Addit,  non  discerni  illic  inter  servum  et  liberum,  quod  soleant  eorum  labores  minoris  in  mundo  aestimari.  Negat  igitur  ita  esse  apud  Deum:  sed  esse  illic  pretiosa  eorum1),  non  minus  quam  regum  officia:  quia  deposita  externa  persona  quisque  ex  cordis  integritate  aestimabitur.  9.  Ut  vos  domini.  Quum  magnam  licentiam  permitterent  leges  dominis:  quidquid  iure  civili  usitatum  erat,  id  sibi  esse  licitum  multi  interpretabantur.  Imo  eo  usque  saevitiae  quidam  progrediebantur,  ut  coacti  fuerint  romani  imperatores  eorum  cohibere  tyrannidem.  Quamquam  etiam  si  nulla  principum  edicta  servis  succurrerent:  non  illis  plus  concedit  Deus,  quam  patitur  caritatis  regula.  Quum  summa  aequitate  temperare  volunt  philosophi  nimium  in  servos  rigorem,  docent  utendum  esse  non  secus  ac  mercenariis.  Sed  utilitatem  tantum  sequuntur:  hoc  est,  quid  utile  sit  patrifamilias,  et  quid  oeconomiae  aptum,  considerant.  Longe  aliud  principium  sumit  hic  Paulus.  Praescribit  enim  quid  secundum  Dei  institutionem  liceat  :  et  quatenus  etiam  servis  sint  debitores.  Primo  dicit,  eadem  facite:  pro  quo  transtuli,  mutuum  officium  p  r  a  e  s  t  a  t  e  .  Nam  quo  sensu  dixit  ad  Colossenses  (4,  1),  TO  Sixatov  %cd  T$)V  caOTTjxa,  eodem  nunc  xa  aOTa  posuit.  Quorsum  autem  illud,  nisi  ut  servetur  ius  analogum  quod  vocant?  Non  est  quidem  aequalis  domini  et  servi  conditio:  sed  est  tamen  aliquod  ius  mutuum  inter  eos,  quod  sicuti  servum  domino  obnoxium  reddit,  ita  vicissim  proportione  habita  dominum  obstringit  aliquatenus  servo.  Istam  analogiam  male  homines  metiuntur:  quia  non  exigunt  ad  legem  caritatis,  quae  sola  vera  est  mensura.  Id  intellexit  Paulus  per  verbum  eadem:  quia  omnes  propensi  sumus  ad  ea  exigenda  quae  nobis  debentur:  quum  autem  vicissim  faciendum  est  officium,  nemo  est  qui  non  conetur  se  *)  pretiosos.