50:231  231  EPIST.  PAULI  AD  GALATAS  232  impiis  quoque  superstitionibus  imbuebant  animos.  Iam  hoc  non  leve  malum  erat,  quod  ad  Iudaismum  adigebantur  Christiani  :  sed  haec  pestis  multo  magis  noxia,  quo  adversus  Christi  gratiam,  veluti  meritoria  opera,  erigebant  ferias,  quod  Deum  hoc  modo  coli  et  placari  fingebant.  His  receptis,  cultus  Dei  est  corruptus,  gratia  Christi  exinanita,  oppressa  conscientiarum  libertas.  Miramur  si  Paulus  timeat  ne  frustra  laboraverit?  Quod  enim  evangelii  amplius  operae  pretium  foret?  atqui  quum  talis  impietas  hodie  regnet  in  papatu,  qualis  illic  Christus,  et  quale  evangelium  restat?  In  exigenda  dierum  observatione  non  minis  severi  sunt,  quantum  ad  ligandas  conscientias  spectat,  quam  Moses.  Cultum  Dei  non  minus  quam  pseudoapostoli  in  feriis  includunt.  Affingunt  etiam  diabolicam  opinionem  meriti.  Parem  ergo  causam  habent:  in  hoc  etiam  deteriorem,  quod  illi  dies  lege  Dei  institutos  volebant  servari:  hi  vero  quos  temere  suo  calculo  signarunt,  sacrosanctos  esse  iubent.  12.  Estote  ut  ego:  quia  ego  quoque  sum  ut  vos.  Fratres,  rogo  vos.  Nihil  mihi  fecistis  iniuriae.  13.  Nostis  autem  quod  per  infirmitatem  carnis  evangelizavero  vobis  prius:  14.  et  experimentum  mei,  quod  fuit  in  carne  mea,  non  contempsistis  neque  respuistis:  sed  tanquam  angelum  Dei  suscepistis  me,  tanquam  Christum  Iesum.  15.  Ubi  igitur  beatitudo  vestra?  testimonium  enim  reddo  vobis,  quod  si  possibile  fuisset,  etiam  oculos  vestros  ess  os  sos  dedissetis  mihi.  16.  Ergone  vera  loquendo  inimicus  sum  vobis  factus  ?  17.  Aemulantur  vos,  non  bene:  imo  excludere  vos  volunt,  ut  ipsos  aemulamini.  18.  JBonum  autem  est  aemulari  in  bono  semper,  et  non  tantum  quum  praesens  sum  apud  vos.  19.  Filioli  mei,  quos  iterum  parturio,  donec  formetur  in  vobis  Christus,  20.  vellem  autem  nunc  coram  esse  vobiscum  et  mutare  vocem  meam,  quia  anxius  sum  in  vobis.  12.  Estote  ut  ego.  Nunc  blandius  eos  alloquendo  mitigat  adsperitatem,  qua  usus  fuerat.  Etsi  enim  ne  satis  quidem  dure  pro  rei  indignitate  invectus  fuerat:  quia  tamen  prodesse  volebat,  temperat  stylum  ad  conciliandos  animos.  Hoc  prudentis  est  pastoris,  non  respicere  quid  mereantur  qui  errarunt:  sed  quid  conveniat  ipsis  in  viam  revocandis.  Itaque  arguere  debet  opportune,  importune,  sed  cum  omni  lenitate  et  patientia:  quemadmodum  idem  Paulus  alibi  (2.  Tim.  4,  2)  praecipit.  Secundum  hanc  rationem  ab  obiurgationibus  ad  preces  delabitur.  Rogo  vos,  inquit,  et  f  r  a  t  r  e  s  nominat:  ut  sciant  nihil  sibi  per  contumeliam  exprobratum.  Sed  quid  hoc  significat:  Estote  ut  ego?  refertur  ad  affectum.  Vult  enim,  quum  se  illis  accommodare  studeat,  ut  secum  paria  faciant.  Quando  ego  sum  sicut  vos:  hoc  est,  quando  nihil  aliud  quaero,  quam