5:231  PSYCHOPANNYCHIA.  et  hanc  esse  eius  misericordiam,  quod  eripimur  a  mortis  faucibus.  Quartum:  Si  direxerit  ad  eum  cor  suum,  spiritum  et  flatum  hominis  ad  se  trahet,  deficiet  omnis  caro  simul,  et  homo  in  cinerem  revertetur  (Iob.  34,  14).  Quae  verba  si  de  iudicio  accipiunt,  quasi  dicatur,  hominem  eius  ira  dissolvi,  disiici,  confundi,  et  in  nihilum  abire,  plus  illis  concedam  quam  postulent.  Si  intelligunt  spiritum,  id  est  animam,  per  mortem  ad  Deum  redire,  et  flatum,  id  est  virtutem  motus,  seu  vitalem  agitationem,  recedere  ab  homine:  nihil  reluctor.  Si  contendunt,  animam  perire,  fortiter  reclamo.  Quanquam  paulo  etiam  secus  habent  hebraica.  Verum  eorum  cavilla  contentus  depulisse,  non  insequar  longius.  Vibrant  et  alia  quaedam,  sed  obtusa  tela:  quae  nec  feriunt,  et  terrent  non  multum.  Citant  enim  nonnulla,  minime  ad  rem  facientia,  eaque  ex  libris