8:230  videtur  adhuc  vobis  conandum  modis  omnibus  si  forte  mutuum  l)  rectius  intelligatis  et  reconciliatione  coalescatis  in  Domino.  Videtur  vobis  Hieronymus  causam  suam  egisse  immodestius.  Caeterum  in  vobis  quoque,  fratres,  modestiam  desideramus,  qui  videmini  in  scriptis  illis  vestris  ad  nos  datis  admodum  esse  acerbi.  Meminisse  semper  oportebat  illius  propheticae  et  evangelicae  de  Christo  Domino  nostro  editae  sententiae:  non  contendet,  neque  clamabit,  neque  audiet  quisquam  in  plateis  vocem  eius:  arundinem  comminutam  non  confringet  et  linum  fumigans  non  exstinguet  donec  eiiciat  ad  victoriam  iudicium.  Quanquam  interim  non  diffiteamur  cum  incurabilibus  ac  pervicacibus  gravius  esse  agendum.  Quibus  tamen  vincula  captivi  hominis  nobis  incogniti  constringere  nolumus,  ut  qui  non  sumus  eius  iudices  constituti.  Quod  autem  genus  doctrinae  attinet,  in  quo  dissidetis,  nihil  opus  erat  nostram  postulare  sententiam  de  electione  et  reprobis,  de  fide  et  viribus  humanis:  quum  eam,  qualis  sit,  ignorare  non  possitis,  vel  ex  ultima  consensione  nostra,  in  qua  totum  hoc  negotium  comprehendi  arbitramur.  Quoniam  vero  alii  aliter  nostra  interpretantur  ac  viri  boni  apud  vos  nostram  paucis  comprehensam  iam  nunc  rursus  audire  sententiam  desiderant:  unde  ipsi  forte  remotis  vestris  et  nostris  personis  iudicare  possint  de  consensione  vel  dissensione  doctrinae,  paucula  haec  expendenda  piis  proponimus.  Principio  constituimus  electionem,  qua  Deus  ab  aeterno  immeritos  et  peccatores  elegit,  ac  in  Christo  complectitur,  per  quem  omnia  vitae  et  salutis  habemus,  2)  omnino  esse  gratuitam,  ac  omnem  hominis  salutem  (quod  fidei  fundamentum  est)  gratuitae  Dei  misericordiae  esse  transscribendam,  iuxta  illud  apostoli  :  Non  est  volentis  neque  currentis,  sed  miserentis  Dei.  Et  iterum:  Elegit  nos  in  ipso,  antequam  iacerentur  fundamenta  mundi,  ut  essemus  sancti  et  irreprehensibiles  coram  illo  per  caritatem:  qui  praedestinavit  nos  ut  adoptaret  in  filios  per  Iesum  Christum  in  sese  iuxta  beneplacitum  voluntatis  suae,  ut  laudetur  gloria  gratiae  suae,  qua  caros  reddidit  nos  per  dilectum.  Deinde  docemus,  fidem,  qua  Christum  complectimur,  nullis  impetrari  nostris  meritis,  sed  mera  Dei  gratia  per  spiritum  et  verbum  donari,  eademque  Dei  gratia  eandem  fidem  in  nobis  augeri  et  conservari,  iuxta  illud  apostoli:  Vobis  donatum  est  pro  Christo,  non  solum  ut  in  eum  credatis,  verum  etiam  ut  pro  illo  patiamini.  Alibi  enim  orant  apostoli:  Domine,  adauge  nobis  fidem.  Unde  et  libenter  illud  Augustini  de  Praedestinatione  sanctorum  cap.  3  1)  Sic  apographa  exhibent  vocem  in  archetypo  lectu  dtffi^  cillimam  et  omnino  dubiam.  2)  omnia  habemus  quae  sunt  vitae  et  salutis  Neoc.  15*