52:230  cognoissance  de  Dieu,  pour  dire  que  nous  la  voyons,  la  et  que  nous  soyons  obstinez  et  rebelles  comme  les  incredules.  Si  on  allegue  qu'ils  sont  ignorans,  il  est  vray:  mais  tant  y  a  qu'ils  sont  malins  aussi  et  hypocrites.  Car  n'avons  nous  pas  les  uns  et  les  autres  assez  de  choses  pour  nous  rendre  inexcusables?  Voire  mesmes  quand  il  n'y  auroit  que  ceste  semence  que  Dieu  a  mise  en  nous  de  nature,  que  contemplans  le  ciel  et  la  terre  nons  devons,  penser  qu'il  y  a  un  Createur  dont  le  tout  procede:  Dieu  nous  revele  comme  en  un  miroir  sa  maieste  et  sa  gloire,  et  n'y  a  celuy  qui  ne  soit  convaincu  de  cela.  Les  plus  meschans,  quand  ils  se  seront  mocquez  de  Dieu,  s'ils  se  trouvent  en  quelque  angoisse,  auront  leur  recours  a  luy  sans  y  penser:  car  Dieu  les  pousse  la  afin  de  leur  oster  toute  excuse,  tellement  que  les  incredules  ne  sont  pas  si  ignorans  qu'il  n'y  ait  de  l'hypocrisie  en  eux.  Us  se  veulent  couvrir,  mais  c'est  a  leur  escient  qu'ils  ferment  les  yeux.  Il  y  a  aussi  de  l'orgueil  et  de  la  malice:  car  si  nous  portions  honneur  a  Dieu,  tel  qu'il  luy  appartient,  nous  aurions  bien  un  autre  souci  de  nous  enquerir  de  luy  et  de  sa  volonte.  Quand  donc  nous  y  sommes  ainsi  lasches  et  froids  c'est  signe  que  nous  le  mesprisons.  Et  puis  nous  ne  demandons  autre  chose  sinon  d'estre  en  tenebres.  Comment?  Car  quand  nous  approchons  de  Dieu,  il  nous  redargue  de  nos  fautes,  ii  faut  que  nous  apprenions  de  nous  desplaire  en  nos  vices  et  nous  reformer.  Or  nous  sommes  contens  d'estre  endormis  en  nos  povretez:  voyla  comme  nous  fuyons  la  clarte  de  Dieu.  Notons  bien  donc  que  ce  n'est  pas  sans  cause  que  les  hommes  sont  punis  nonobstant  leur  ignorance:  car  ils  ne  peuvent  pas  alleguer  qu'il  y  ait  une  simplicite  en  eux,  mais  plustost  hypocrisie  orgueil  et  malice  s'y  trouvent.  Et  voyla  pourquoy  8.  Paul,  quand  il  dit  que  ceux  qui  auront  peche  sans  la  Loy  (c'est  a  dire  qui  n'ont  nulle  intelligence  de  la  parolle  de  Dieu)  periront  neantmoins,  adiouste  que  Dieu  a  engrave  une  loy  au  coeur  de  tous:  qu'encores  que  nous  n'eussions  point  ne  d'Escriture,  ne  de  predication,  si  est-ce  que  nous  avons  nostre  conscience  qui  nous  doit  servir  de  loy,  pour  nous  condamner,  et  cela  suffira  au  dernier  iour.  Maintenant  nous  pouvons  bien  avoir  beaucoup  de  subterfuges  devant  les  hommes,  et  nous  semblera  que  nous  devions  estre  quittes:  mais  nostre  conte  sera  bien  rabbatu,  quand  nous  viendrons  devant  le  Iuge  celeste.  La  nous  trouverons  que  toutes  nos  excuses  sont  frivoles.  Notons  donc  bien  ce  passage  quand  il  est  dit  que  le  Seigneur  viendra  pour  desployer  sa  vengence  sur  tous  ceux  qui  n'ont  point  cognu  Dieu  et  qui  n'ont  point  obey  a  l'Evangile  i  c'est  a  dire  sur  tous  incredules.  Or  par  cela  nous  voyons  que  la  foy  est  la  seule  porte  de  salut  et  davie:  d'autant  que  Iesus  Christ  doit  venir  a  la  con-  15*