27:230  dulite:  car  nostre  Seigneur  promet  que  ceux  qui  le  cerchent  en  humilite  de  coeur  ne  seront  point  frustrez,  qu'il  ne  se  declaire  a  eux  :  hurtons,  la  porte  nous  sera  ouverte:  moyennant  que  nous  demandions  en  toute  reverence  que  Dieu  nous  conduise,  il  est  certain  qu'il  ne  nous  defaudra  point:  deffions-nous  de  nostre  infirmite  et  rudesse,  nostre  Seigneur  nous  donnera  Esprit  de  discretion,  que  nous  ne  serons  point  trompez:  brief,  ce  que  dit  S.  Paul,  et  ce  que  nous  avons  desia  allegue  sera  tousiours  accompli:  Que  les  heresies  seront  une  vraye  approbation  de  nostre  foy,  et  non  pas  qu'elles  la  puissent  pervertir.  Car  de  ceux  qui  varient  ainsi  sans  propos,  ils  monstrent  qu'il  n'y  a  eu  en  eux  qu'une  fausse  couverture,  et  qu'ils  sont  hypocrites  quand  ils  ont  fait  semblant  d'adherer  a  la  verite  de  Dieu:  car  ils  demeureroyent  tousiours  constans,  s'ils  y  avoyent  este  bien  enracinez,  comme  nous  avons  dit.  Au  reste  que  tels  exemples  nous  solicitent  a  mieux  prattiquer  ceste  doctrine:  et  quand  nous  voyons  auiourd'huy  les  troubles  par  le  monde,  que  nous  ne  soyons  point  veincus  pour  cela,  que  nostre  foy  ne  soit  point  troublee  :  mais  d'autant  que  le  diable  tasche  et  s'efforce  de  l'aneantir,  qu'elle  surmonte,  et  qu'elle  vienne  au  dessus  de  tels  assauts:  et  quand  nous  verrons  les  faux-prophetes  se  lever  au  milieu  de  nous,  que  nous  ne  laissions  point  de  tousiours  faire  cest  honneur  a  Dieu,  de  nous  tenir  a  sa  parolle,  et  ne  point  flechir  quoy  qu'il  en  soit.  Or  auiourd'huy  la  necessite  nous  contraint  a  cela,  d'autant  que  nous  voyons  ceux  qui  s'appellent  Chrestiens,  et  qui  en  prennent  le  tiltre,  qui  sont  les  pires  ennemis  de  Dieu  qu'on  puisse  trouver.  Car  les  Turcs  et  les  Iuifs  ne  sont  point  auiourd'huy  plus  enflammez,  ni  envenimez  a  l'encontre  de  Dieu,  pour  falsifier  toute  la  doctrine  de  salut,  que  sont  les  Papistes.  Et  ainsi,  que  nous  soyons  munis  de  ceste  admonition  qui  nous  est  ici  donnee,  c'est  quand  nous  verrons  les  faux-prophetes  se  lever  au  trouppeau,  et  au  milieu  de  la  maison  de  Dieu,  que  neantmoins  nous  ne  laissions  pas  de  poursuyvre,  et  que  cela  ne  nous  soit  point  en  scandale  pour  flechir,  ou  pour  decliner:  mais  que  nous  le  surmontions  en  vertu  de  la  foy.  Et  mesmes  pour  mieux  approcher,  quand  nous  verrons  des  canailles  qui  auront  fait  semblant  d'estre  separez  d'avec  les  Papistes,  et  qui  seront  meslez  parmi  nous,  et  la  dessus  viendront  forger  des  fausses  doctrines:  que  nous  ne  soyons  point  pour  cela  tant  estonnez.  Il  est  vray  que  nous  ne  sommes  pas  insensibles,  et  faut  que  nous  soyons  resveillez  :  mais  tant  y  a  que  nous  devons  prendre  tousiours  ceste  conclusion:  Comment?  Nostre  Seigneur  nous  a  fait  ceste  grace  d'ouvrir  sa  bouche  sacree  pour  nous  donner  certitude  en  la  foy  de  son  Evangile:  fautil  maintenant  que  nous  soyons  destournez  a  tout  15*