15:230  scriptas  non  reddidit:  rediens  autem  ex  Italia  reddidit.  *)  Imposuerat  enim  sarcinae,  quam  aperuit  tandem  in  Italia:  ita  factum  est,  ut  in  primo  congressu  nihil  dederit.  Caeterum  facile  ei  errorem,  hunc  condonavi,  quod  neuter  hic  ullam  fecerit  iacturam.  Carui  quidem  gaudio  hactenus,  quod  tamen  cumulatius  nunc  me  beavit,  qui  intelligo,  tuam  pietatem  conari  aliquid.2)  Perge,  mi  domine  et  frater.  Dominus  concedat  spiritum  suum  sanctum  tibi,  ut  conatus  hic  tuus  cedat  ad  gloriam  Dei  et  multorum  salutem.  Exspecto  nunc  cum  desiderio  sanctos  tuos  labores:  sed  vide  ne  festines,  et  cum  molestia  aliqua  scribas.  Scio  te  multis  oppressum  negotiis  vix  omnibus  sustinendis  sufficere.  Moderate  ergo  exercebis  afflictas  alioqui  vires.  Laelius,  ut  scribebas,  rediit  ad  nos,  et  nunc  inter  nos  habitat.  Modeste  se  gerit.  Compesco  ego,  quantum  possum,  hominis  curiositatem.  Idem  faciunt  symmystae  reliqui,  ut  minus  sit  molestus  nobis.3)  Valet  Leverus,  valent  Angli  reliqui  peroptime,  Deo  gratia,  sed  non  immerito  immoderate  affliguntur  ingraditudine  miserae  Angliae.  Recepisse  illam  scis  Hispanum,4)  qui  gubernationem  suam  sanguine  initiavit,  truncatis  duobus  nobilibus.  Metuunt  ne  iam  sublati  sint  sanctissimi  illi  episcopi  Latimerus,  Granmerus,  Ridleus,  Hopperus,5)  ete.  Orandum  nobis  video  assidue  pro  ecclesia  illa  afflictissima.  D.  Molinaeus  hanc  schedam  ad  me  misit,  orans  ut  per  proximum  ad  te  nuncium  eam  mitterem.  Hodie  mihi  est  reddita.  Intelligo  illum  non  mansurum  diu  Tubingae,  sed  inde  migraturum.  Causa  fidelium  Locarnensium6)  iam  agitur  in  comitiis  Badensibus.  Nisi  vero  Dominus  gratia  sua  affulserit,  dubito  de  felici  rerum  eventu.  Nam  vel  amica  transactione,  vel  iure  cum  7  rebuspublicis  agendum  erit  4  urbibus.  At  tanta  est  illorum  hominum  barbaries  ferocia  et  durities,  ut  metuam  bonis.  Video  nostros  satis  esse  sedulos:  sed  interim  experior  in  diem  illorum  malitiam  esse  insuperabilem.  Dominus  ecclesiae  suae  assertor  et  liberator  oppressorum  adsit  nobis  perpetuo.  Ubi  de  illis  comitiis,  quae  nondum  finita  sunt,  certum  aliquid  habuero,  mature  significabo.  Vale  cum  omnibus  2009.1)  ubi  ergo  non  diu  commoratus  est  (N.  1994),  2)  contra  Westphalum.  3)  Cf.  quae  Calvinus  de  Socino  scripserat  N.  1995.  Infra  plura.  Cf.  etiam  Gallitii  iudicium  ap.  Hottinger,  helv,  KG.  III.  791  et  OreiU  in  Z8.  d.  baseler  Hochschule  IL  2  p.  28  4)  Philippi  nuper  regis  Neapohs  et  Siciliae  creati  d.  25.  Iulii  a  Gardinero  Vintoniensi  episcopo  c.  regina  Maria  celebratae  fuerant  nuptiae.  5)  Anno  demum  1555  suplicio  affecti  sunt.  6)  Meyer  Locarno.  I.  319  seqq.  15*