9:23  23  DEFENSIO  24  partes  ne  frustra  data  sint,  mature  illic  occurrimus,  sic  Deum  [pag.  34]  illorum  uti  ministerio,  ut  neque  vim  ipsis  suam  infundat,  nec  quidquam  deroget  spiritus  sui  efficaciae.  Quid  etiam  hic  requirent  boni  viri?  Deum  per  sacramenta  agere  volunt?  Hoc  docemus.  Volunt  in  ipsis  fidem  nostram  exerceri,  foveri,  adiuvari,  confirmari?  Idem  asserimus.  Volunt  spiritus  sancti  virtutem  in  illis  exstare,  ut  electis  Dei  in  salutem  prosint?  Idem  nos  quoque  concedimus.  In  eo  vertitur  quaestionis  status:  soline  Deo  in  solidum  adscribere  conveniat  omnes  salutis  nostrae  partes,  an  eius  laudis  partem  ipse  ad  sacramenta  derivet,  dum  illis  utitur.  Quis  nisi  omnis  verecundiae  expers  de  hoc  capite  contendere  audeat?  Ac  nostrae  quidem  doctrinae  Paulum  citavimus  *)  testem,  qui  ministros  nihil  esse,  et  plantando  ac  rigando  nihil  agere  pronunciat  (1  Cor.  3,  7),  si  quis  ipsos  a  Deo  separet,  qui  solus  dat  incrementum.  Unde  perspicere  cuivis  promptum  est,  modo  maneat  Deo  quod  suum  est,  nos  sacramentis  nihil  detrahere.  Certe  quam  magnifice  alibi  verbi  praedicationem  extollat  Paulus,  satis  notum  est.  Qui  fit  ergo  ut  nunc  fere  in  nihilum  eam  redigat?  nisi  quia  ubi  ad  Dei  comparationem  venitur,  illum  unicum  bonorum  omnium  agnosci  autorem  aequum  est,  qui  sic  libere  utatur  creaturis,  ut  suo  arbitrio  per  illas,  quatenus  visum  est,  agat.  Nec  vero  terrenis  elementis  fit  iniuria,  si  Dei  spoliis  non  ornantur.  Quod  autem  subiicimus  ex  Augustino,  unum  esse  Christum  qui  intus  baptizat,  item  unum  eundem  esse,  qui  nos  in  coena  facit  sui  participes,  utriusque  mysterii  praestantiam  summopere  commendat.  Nam  hinc  colligimus,  non  humanas  esse  actiones,  quarum  [pag.  3  5]  autor  est  filius  Dei,  quibus  praesidet,  in  quibus  tanquam  exserta  e  coelo  manu  virtutem  suam  profert.  Deinde  nihil  utilius  est,  quam  ab  hominis  mortalis  terrenique  elementi  intuitu  abstrahi  sensus  nostros,  ut  Christum  velut  praesentem  fides  nostra  aspiciat.  Quanquam  et  hoc  rursum  ad  ius  suum  Christo  vendicandum  spectat:  ne  eum  putemus  externum  ministerium  hominibus  ita  mandare,  ut  spiritualis  effectus  laudem  illis  resignet.  In  quem  sensum  Augustinus2)  pluribus  disputat,  baptismum  efficaciae  et  potestatis  non  nisi  in  Christum  unum  competere.  Et  quid  opus  est  humano  testimonio,  quum  vox  illa  spiritus  quae  in  ore  Baptistae  clare  sonuit,  aures  nostras  assidue  percellere  debeat:  Hic  est  qui  baptizat  in  spiritu  (Ioann.  1,  33)?  siquidem  eum  hoc  elogio  ab  omnibus  ministris  discerni  constat,  ut  sciamus  solum  ipsum  intus  praestare,  quod  homines  visibili  signo  testantur.  Quod  1)  citamus  Beza  et  Amst.  (Nous  alleguons).  2)  Homil.  5  et  6  in  Ioann.