6:23  LE  CATECHISME  DE  GENEVE.  L'ENFANT.  "V  oire.  ILE  MINISTRE.  1)  Pourquoy  l'appelles-tu  Filz  unique  de  Dieu,  veu  que  Dieu  nous  appelle  tous  ses  enfans?  L'ENFANT.  Ce  que  nous  sommes  enfans  de  Dieu,  ce  n'est  pas  de  nature:  mais  seulement  par  adoption  et  par  grace:  entant  que  Dieu  nous  veut  reputer  telz.  Mais  le  Seigneur  Iesus,  qui  est  engendre  de  la  substance  de  son  Pere,  et  est  d'une  mesme  essence,  a  bon  droict  est  dict  Filz  unique  (Ephes.  1,  5;  Iehan  1,  14;  Hebr.  1,  2).  Car  il  n'y  a  que  luy  seul  qui  soit  naturel.  LE  MINISTRE.  Ta  veux  donc  dire,  que  cest  honneur  est  propre  a  luy  seul,  et  luy  appartient  naturellement:  mais  il  nous  est  communique  de  don  gratuit,  entant  que  nous  sommes  ses  membres.  L'ENFANT.  C'est  cela.  Et  pourtant  au  regard  de  ceste  communication,  il  est  dict  ailleurs  le  premier  nay  entre  plusieurs  freres  (Rom.  8,  29;  Coloss.  1,  15).  LE  MINISTRE.  Que  veut  dire  ce  qui  s'ensuit  apres?  L'ENFANT.  Il  declaire  comme  le  Filz  de  Dieu  a  este  oinct  du  Pere  pour  nous  estre  Sauveur.  C'est  assavoir  en  prenant  nostre  chair  humaine,  et  accomplissant  les  choses  requises  a  nostre  redemption,  comme  elles  [fol.  10]  sont  icy  recitees.  LE  MINISTRE.  Qu'entens-tu  par  ces  deux  mots?  conceu  du  S.  Esprit,  nay  de  la  Vierge  Marie?  L'ENFANT.  Qu'il  a  este  forme  au  ventre  de  la  Vierge  Marie,  de  la  propre  substance  d'icelle,  pour  estre  semence  de  David,  comme  il  avoit  este  predict:  et  neantmoins  que  cela  s'est  faict  par  operation  miraculeuse  du  sainct  Esprit,  sans  compagnie  d'homme  (Ps.  32,  l  l  ;  Matth.  1,  1  et  16;  Luc  1,  32  et  55).  LE  MINISTRE.  Estoit-il  donc  requis,  qu'il  vestist  nostre  propre  ehair?  PUER.