58:23  23  PREMIER  SERMON  24  Egypte,  comme  si  l'herbe  croissoit  au  milieu  d'un  four  allume  :  Car  c'a  este  comme  une  fornaise  (ainsi  que  l'Escriture  en  parle)  que  ceste  tyrannie  et  servitude  d'Egypte.  Voila  le  peuple  qui  est  comme  de  la  paille,  voila  le  feu  qui  est  allume  tout  alentour  :  et  cependant  il  n'est  point  consume,  ainsi  qu'il  a  este  monstre  en  la  figure  du  buisson,  qui  estoit  comme  un  feu  bruslant:  et  cependant  le  buisson  est  demeure  entier  (Exo.  3,  2;  Act.  7,  30).  Nous  voyons  aussi  comme  le  peuple  s'est  multiplie,  estant  en  telle  presse  et  en  telle  angoisse,  qu'il  n'est  point  question  seulement  de  cent  mille,  ou  de  trois  ou  de  quatre  cens  mille:  mais  voila  six  cens  mille  hommes,  qui  sortent  d'une  telle  captivite.  Et  comme  estoit-il  possible  ?  Voila  un  miracle  qui  est  pour  nous  ravir  tous  en  estonnemens.  Or  donc,  cognoissons  comme  Dieu  a  tellement  essaye  la  foy  et  patience  d'Isaac,  que  finalement  il  a  trouve  moyen  d'accomplir  sa  promesse,  voire  outre  l'apprehension  des  hommes.  Car  ceci  est  avenu  d'une  facon  incognue,  et  laquelle  iamais  on  n'eust  pense.  Auiourd'hui  appliquons  cela  aussi  bien  a  nous:  et  pratiquons  aussi  ce  qui  est  dit  au  Pseaume  trenteseptieme,  Que  si  nous  voyons  les  meschans  et  les  contempteurs  de  Dieu,  estre  haut  eslevez,  comme  les  cedres  du  Liban,  que  nous  attendions:  car  il  ne  faudra  que  tourner  la  veue,  et  les  voila  rasez  et  coupez:  on  ne  verra  pas  mesme  la  place  ou  ils  estoyent,  Et  pourquoy?  Car  ils  n'estoyent  point  plantez  en  Dieu.  Et  nous  oyons  ce  que  dit  nostre  Seigneur  Iesus  Christ  (Matth.  15),  Que  toute  plante  que  le  Pere  celeste  n'aura  point  plante,  sera  arrachee.  Ainsi,  que  nous  ne  portions  point  d'envie  aux  enfans  de  ce  monde,  quand  nous  les  verrons  en  haut  estat,  que  nous  les  verrons  eslevez  en  noblesse,  et  en  dignite,  et  en  tout  le  reste:  attendons  patiemment,  et  portons  nostre  condition  paisiblement:  et  si  le  monde  se  moque  de  nous  et  qu'il  ne  nous  ait  en  nulle  estime,  et  qu'il  nous  despaigne:  que  toutesfois  il  nous  suffise  d'estre  prisez  devant  Dieu  et  devant  ses  Anges.  Et  cependant  attendons  que  Dieu  accomplisse  ce  qui  est  dit  en  Fautre  passage  (Ps.  92,  13),  Le  iuste  fleurira  comme  la  palme,  et  sera  esleve  comme  le  cedre  du  Liban,  voire  :  d'une  autre  facon:  car  il  est  dit  qu'il  sera  multiplie  au  parvis  de  la  maison  du  Seigneur.  Quand  il  est  dit  qu'ils  seront  plantez  en  la  maison  du  Seigneur,  c'est  a  dire  qu'ils  seront  benits  de  luy.  Car  voila  aussi  ou  gist  nostre  felicite  permanente,  tellement  que  d'aage  en  aage,  nous  pourrons  tousiours  tenir  bon:  comme  il  est  dit  au  Pseaume  cent  deuxieme,  Que  d'autant  que  Dieu  est  permanent,  qu'il  ne  change  point  comme  le  monde,  qui  s'enviellit,  et  s'en  va  en  corruption:  mais  que  Dieu  est  tousiours  semblable  a  soy:  de  la  le  Prophete  conclud,  Que  les  enfans  des  fideles  auront  leur  demeure  :  et  qu'encores  que  du  premier  coup  on  ne  voie  point  que  la  grace