54:23  23  SERMON  II  24  qu'il  n'y  ait  que  redire,  que  nous  n'ayons  point  des  vertus  admirables:  brief,  il  ne  faut  point  que  nous  soyons  dorez,  mais  il  faut  que  l'or  soit  au  dedans:  et  ne  faut  point  que  nous  ayons  seulement  quelque  apparence,  mais  il  faut  que  nous  soyons  massifs,  c'est  a  dire,  que  la  crainte  de  Dieu  soit  ferme  et  solide  en  nous.  Ainsi  donc,  si  nous  regardons  pourquoy  Dieu  deteste  tant  l'hypocrisie,  qui  vaut  autant  comme  action,  quand  les  hommes  se  contrefont,  et  qu'ils  ont  seulement  quelque  masque  pour  estre  trouvez  vertueux,  nous  trouverons  que  c'est  a  bon  droict.  Et  pourquoy?  Car  c'est  toute  corruption  de  son  service.  Voila  donc  un  sacrilege.  Car  si  le  eervice  de  Dieu  est  perverti,  voila  son  nom  qui  est  prophane,  ce  qui  ne  se  peut  faire  sans  sacrilege:  et  puis  on  convertit  sa  verite  en  mensonge,  qui  est  encores  pour  aneantir  sa  gloire,  et  le  transfigure^  Et  ainsi  non  sans  cause  l'hypocrisie  est  tant  detestable  a  Dieu.  Et  d'autant  plus  nous  faut-il  tendre  a  ceste  pure  simplicite  et  rondeur,  qu'un  chacun  de  nous  se  presente  devant  Dieu  pour  examiner  ce  qui  est  en  luy,  et  quand  on  n'aura  nul  regard  au  monde,  qu'on  face  ceste  conclusion,  Si  faut-il  que  ie  soye  advoue  de  mon  Dieu.  Car  quand  tout  le  monde  m'applaudira,  et  qu'on  ne  trouve  rien  a  redire  en  moy,  et  cependant  que  ie  soye  reiette  de  mon  iuge  celeste,  qu'auray-ie  gagne?  Quand  donc  nous  aurons  ceste  conclusion-la  pour  dire,  Ie  ne  me  contente  point  de  la  reputation  que  ie  pourray  acquerir  envers  les  hommes,  sinon  que  ma  conscience  soit  pure  devant  Dieu,  et  que  Paye  affection  de  profiter  en  sa  crainte:  quand,  di-ie,  nous  aurons  ce  regard-]  a,  tous  les  services  que  nous  rendrons  a  Dieu,  luy  seront  agreables:  mais  sans  cela  ce  ne  sera  que  fumee:  nous  pourrons  avoir  tant  belle  parade  que  rien  plus,  mais  ce  ne  sera  que  fiente  et  ordure  quant  a  Dieu.  Voila  donc  ce  que  nous  avons  a  retenir  en  ce  passage,  touchant  la  bonne  conscience.  Or  sainct  Faul  adiouste  qu'il  adore  ce  Dieu-ci  des  ses  ancestres.  Pourquoy?  I'ay  desia  allegue  la  raison,  d'autant  qu'on  luy  reprochoit  qu'il  avoit  forge  une  religion  a  la  volee,  et  qu'il  s'estoit  abastardi  tellement,  qu'il  avoit  laisse  le  Dieu  de  ses  Peres.  Or  il  monstre  qu'il  adore  le  Dieu  vivant,  lequel  avoit  premierement  eleu  Abraham  et  son  lignage,  lequel  avoit  donne  sa  Loy  par  Moyse,  lequel  avoit  parle  par  ses  Prophetes.  Sainct  Paul  donc  monstre  qu'il  ne  s'est  point  diverti  de  la  doctrine  ancienne,  qu'il  n'a  point  invente  une  religion  incognue,  mais  qu'il  persiste  en  la  Loy  de  Dieu,  et  aux  Prophetes,  qu'il  se  maintient  a  la  purete  qui  a  este  de  tout  temps,  qu'il  n'est  point  tel  qu'on  le  doyve  tenir  comme  un  apostat.  Yoila  en  somme  a  quoy  il  a  pretendu.  Comme  auiourd'huy  nous  voyons  que  les  Papistes  nous  chargent  d'une  mesme  calomnie.