53:23  23  SERMON  II  24  Or  sainct  Paul  voulant  exprimer  ce  qu'il  avoit  dit  en  brief  d'enseigner  autrement,  il  adiouste,  qu'on  ne  s'amuse  point  a  fables  et  a  genealogies,  qui  n'ont  point  de  fin  (dit-il),  lesquelles  mettent  plustost  en  avant  contentions  et  debats  que  V  edification  de  Dieu  qui  consiste  en  foy.  Nous  voyons  ici  plus  clairement  ce  que  i'ay  desia  expose,  c'est  ascavoir,  que  sainct  Paul  n'a  pas  seulement  condamne  en  ce  lieu  les  doctrines  qui  sont  du  tout  fausses,  et  qui  contienent  quelques  blasphemes:  mais  aussi  tous  ces  menus  fatras,  toutes  ces  speculations  inutiles  qui  sont  pour  destourner  les  fideles  de  la  pure  simplicite  de  nostre  Seigneur  Iesus  Christ.  Ge  que  sainct  Paul  a  compris  sous  ce  mot  de  fables:  car  il  n'entend  point  seulement  des  mensonges  qui  sont  controuvez  et  qu'on  peut  redarguer  a  l'oeil,  mais  aussi  toutes  choses  inutiles.  Et  le  mot  dont  il  use,  emporte  cela.  Qu'est-ce  donc  que  S.  Paul  reiette  en  ce  passage?  Toutes  choses  curieuses,  toutes  speculations  qui  ne  sont  que  pour  tourmenter  les  esprits  et  leur  donner  quelque  trouble,  ou  bien  ou  il  n'y  a  que  quelque  belle  monstre  et  parade,  et  qui  ne  sont  point  utiles  pour  le  salut  de  ceux  qui  escoutent.  Or  ceci  doit  bien  estre  retenu.  Car  ci  apres  nous  verrons,  au  plaisir  de  Dieu,  pourquoy  S.  Paul  en  parle  ainsi,  c'est  d'autant  que  la  parole  de  Dieu  doit  estre  utile,  comme  ii  en  parle.  Dieu  donc  ne  nous  a  point  donne  seulement  sa  parole  afin  de  nous  paistre  sans  aucun  profit:  comme  le  monde  voudroit  qu'on  luy  chatouillast  les  aureilles,  et  qu'il  y  eust  ie  ne  scay  quoy  de  plaisant  en  nous  tant  seulement.  Dieu  ne  veut  point  s'esbatre  ici  avec  nous,  mais  il  veut  que  nous  ayons  une  instruction  bonne,  c'est  a  dire  que  nous  recevions  profit  de  sa  parole.  Tous  ceux  donc  qui  n'appliquent  point  la  parole  de  Dieu  a  bon  profit  et  usage,  sont  contempteurs  et  faussaires  de  la  bonne  doctrine.  Brief,  la  parole  de  Dieu  est  comme  prophanee  si  ce  n'est  qu'on  l'applique  a  ceste  utilite  que  nous  en  recevions  bonne  instruction  pour  nostre  salut.  Et  ainsi  tout  ce  qui  sera  mis  en  avant  sans  aucun  fruict,  et  qui  ne  servira  de  rien  au  salut  de  ceux  ausquels  on  parle,  cela  est  tenu  comme  fable,  ce  sont  des  contes  qu'on  nous  fera  pour  plaisanter,  afin  de  nous  faire  passer  le  temps,  voire  des  contes  de  la  cicongne,  comme  on  dit.  Car  Dieu  ne  veut  point  ainsi  se  iouer  avec  nous,  et  que  nous  le  tenions  comme  un  basteleur:  et  toutesfois  voila  l'honneur  que  luy  font  tous  ceux  qui  cerchent  des  vaines  curiositez  en  l'Escriture  saincte.  Comme  aussi  cela  est  reproche  aux  Iuifs  par  Ezechiel:  car  ils  venoyent  a  luy,  faisans  semblant  de  vouloir  recevoir  la  doctrine,  ils  se  mettoyent  la  a  ses  pieds  pour  dire,  nous  venons  ici  pour  estre  enseignez  au  nom  de  Dieu:  c'estoit  merveilles  de  voir  leur  devotion:  mais  Dieu  leur  dit  qu'ils  venoyent  la  comme  si  on  alloit  ouir  un  menestrier  qui  iouera  de  la  harpe  ou  de  la