52:23  23  EPIST.  PAULI  AD  PHILIPPENSES  24  betis  ex  caritate,  si  cogitatis  illam  spiritus  communicationem,  quae  unum  efficere  nos  omnes  debet:  si  quis  humanitatis  et  misericordiae  sensus  in  vobis  residet,  qui  ad  sublevandas  meas  miserias  vos  commoveat:  implete  ete.  Hinc  colligimus  quantum  in  ecclesia  bonum  sit  unitas,  et  quanto  studio  pastoribus  procurandum.  Et  simul  observandum  est  ut  se  demittat,  misericordiam  illorum  suppliciter  implorans,  qui  reverentiam  patrio  iure  exigere  tanquam  a  filiis  poterat.  Imperium  adhibere  novit,  quum  opus  est:  nunc  preces  adhibere  maluit,  quia  aptiores  fore  noverat  ad  penetrandos  affectus:  et  quia  sciebat  verba  se  ad  dociles  et  morigeros  facere.  Ita  non  recusandum  est  pastori  quin  personas  quaslibet  induat  ecclesiae  causa.  2.  Implete  gaudium  meum.  Et  hic  perspicere  set  quam  parum  de  ee  suerit  sollicitus,  modo  ecclesia  Christi  recte  haberet.  Tenebatur  carcere  inclusus  et  constrictus  catenis,  reus  erat  capitalis  iudicii,  ante  oculos  erant  tormenta,  imminebat  carnifex:  nihil  tamen  ista  omnia  impediunt  quominus  solidum  gladium  gaudeat,  si  videat  ecclesiis  bene  esse.  Porro  hoc  praecipuum  in  felici  ecclesiae  statu  ducit,  si  regnet  illic  consensus  mutuus  et  fraterna  concordia.  Ita  Psalmus  (137,  6)  etiam  docet,  caput  laetitiae  nostrae  esse  recordationem  Ierosolymae.  Quod  si  illud  Paulo  erat  gaudii  complementum,  plus  quam  crudeles  futuri  erant  Philippenses,  si  inter  se  dissentiendo  sancti  viri  pectus  duplici  moerore  cruciarent.  Ut  idem  sentiatis.  Summa  haec  est,  ut  sententiis  et  voluntatibus  sint  coniuncti.  Ponit  enim  consensum  in  doctrina,  et  mutuam  caritatem  :  deinde  idem  repetens  (meo  quidem  iudicio),  unanimes  esse  iubet  unumque  sentientes.  Particula  TO  aoxo  hoc  valet,  ut  se  alii  aliis  accommodent.  Ergo  initium  earitatis  est,  in  sententiis  convenire:  verum  id  non  sufficit  nisi  corda  in  mutuum  simul  amorem  coalescant.  Quamquam  non  absurdum  esset  ita  transferre,  Ut  eadem  sitis  cogitatione,  mutuam  habere  caritatem,  esse  unanimes,  unum  sentire.  Participia  enim  pro  infinitivis  usurpari,  non  est  rarum.  Sequutus  sum  tamen  quod  minus  coactum  videbatur.  3.  Nihil  per  contentionem.  Istae  duae  sunt  noeentI8simae  pestes  ad  turbandam  ecclesiae  pacem.  Excitatur  contentio  dum  suam  quisque  sententiam  pertinaciter  vult  tueri:  ubi  autem  semel  efferbuit,  praeceps  fertur  in  eam  viam  qua  ingressa  est.  Inanis  autem  gloria  animos  titillat,  ut  unicuique  blandiantur  sua  inventa.  Proinde  haec  una  est  ratio  dissidiis  obviandi,  si  placide  consulendo  et  agendo  contentiones  vitemus:  praesertim  vero  si  non  agamur  ambitione.  Ambitio  enim  omnium  contentionum  est  flabellum.  Inanis  gloria  significat  quamlibet  carnis  gloriam.  Quid  enim  habent  homines  in  se  glorientur,  praeter  vanitatem?  Sed  per  humilitatem.  Utrique  morbo  unum  re-