51:23  23  SERMONS  24  pourriture.  Apres,  toute  chair  est  herbe.  Et  puis,  l'Egyptien  qu'est-ce?  Ce  n'est  que  chair  et  non  pas  esprit.  Voila  dono  comme  sous  ce  mot  de  chair  les  hommes  sont  enseignez  de  leur  fragilite  et  cognoissent  que  ce  n'est  que  terre  et  cendre,  que  ce  *  n'est  que  vermine.  Or  c'est  pour  les  humilier  en  premier  lieu.  Mais  quand  la  chair  est  mise  a  l'opposite  de  l'esprit,  encores  les  hommes  ne  sont  pas  prins  selon  qu'ils  ont  este  creez  de  Dieu  en  leur  premier  estat  :  mais  c'est  pour  monstrer  qu'ils  -sont  corrompus,  qu'ils  sont  pleins  d'infections  et  d'iniquitez,  qu'il  n'y  a  nul  goust  en  eux  pour  bien  iuger,  qu'ils  sont  pervers  en  tous  leurs  appetis.  Voila  donc  comme  nostre  Seigneur  Iesus  Christ  a  entendu  que  nous  sommes  chair  de  nostre  naissance,  c'est  a  dire  que  nous  sommes  poures  aveugles  qui  n'avons  nulle  discretion  pour  venir  a  Dieu:  combien  qu'il  ait  donne  un  sentiment  la  dedans  pour  cognoistre  le  bien  et  le  mal,  toutesfois  que  nous  sommes  comme  abrutis,  et  que  nous  ne  pouvons  venir  a  luy,  et  que  toute  la  raison  que  nous  avons,  est  pour  nous  rendre  inexcusables.  Apres  que  nous  n'appetons  que  tout  mal,  qu'autant  que  nous  avons  d'affections,  ce  sont  autant  d'ennemis  qui  bataillent  contre  toute  droiture.  Voila  comme  nous  sommes  blasonnez  par  le  sainct  Esprit,  au  lieu  que  beaucoup  se  glorifient  en  leur  franc  arbitre,  en  leurs  vertus,  il  est  dit,  qu'il  n'y  a  en  nous  que  toute  corruption,  et  que  cela  est  comme  inimitie  contre  Dieu  qui  nous  separe  de  sa  iustice.  Or  il  est  vray  que  nostre  ame  sera  bien  souvent  appelee  esprit:  Oar  ce  mot  d'Esprit  emporte  une  essence  qui  est  invisible,  et  qui  ne  se  peut  voir  ne  manier  comme  nn  corps.  Les  Anges  sont  esprits,  les  diables  ne  laissent  pas  d'estre  esprits  aussi  bien:  mai  s  ce  sont  esprits  corrompus,  qui  se  sont  alienez  de  Dieu,  tellement  qu'il  n'y  a  en  eux  que  toute  semblable  iniquite.  Ainsi  donc  nos  ames  sont  bien  esprits:  mais  ce  sont  esprits  infectez  de  peche,  quand  par  la  chute  d'Adam  nous  avons  este  changez  et  aba8tardis,  que  l'image  de  Dieu  a  este  effacee  en  nous.  Or  maintenant  il  faut  bien  qu'il  y  ait  comme  un  renouvellement  :  et  cela  est  appele  esprit,  quand  Dieu  par  son  sainct  Esprit  nous  reforme  et  nous  fait  nouvelles  creatures,  c'est  qu'en  premier  lieu  nous  sommes  illuminez  pour  comprendre  ce  qui  nous  estoit  cache  de  nature.  Comme  la  foy  c'est  un  don  special  de  Dieu,  pour  ce  qu'il  est  impossible  a  l'homme  naturel  de  comprendre  ce  qui  est  de  son  salut,  sinon  que  Dieu  y  ait  besongne.  Voila  donc  la  foy  qui  est  un  don  d'Esprit  (comme  nous  verrons  puis  apres  en  temps  et  lieu),  que  comme  nous  ne  scaurions  avoir  aucun  bon  mouvement  pour  approcher  de  Dieu  et  pour  nous  conformer  a  sa  volonte,  sinon  qu'il  nous  gouverne:  aussi  selon  qu'il  nous  a  adoptez,  il  nous  donne  son