49:23  23  EPIST.  PAULI  AD  ROMANOS  24  convicti  tenentur  omnes.  Duplici  autem  nomine  res  una,  hoc  est  adversus  Deum  ingratitudo  notatur:  quia  peccatur  in  ea  bifariam,  aaepfeta  dicitur  quasi  Dei  inhonoratio:  aScxca,  quoniam  homo,  ad  se  transferendo  quod  Dei  erat,  honorem  Dei  inique  praeripuit.  Ira,  av&pot)TC07caitoc,  more  scripturae,  pro  ultione  Dei  :  quia  Deus  puniens  prae  se  fert  (nostra  opinione)  irascentis  faciem.  Nullum  ergo  motum  in  Deo  significat:  sed  tantum  ad  sensum  peccatoris,  qui  plectitur,  relationem  habet.  Eam  ubi  dicit  e  coelo  revelari,  quamquam  particula  e  coelo  vice  epitheti  a  quibusdam  accipitur,  ac  si  diceretur  coelestis  Dei:  ego  tamen  existimo  plus  subesse  efficaciae  in  hunc  sensum  :  Quacunque  circumspectet  homo,  nihil  salutis  reperiet:  quia  quam  longe  lateque  coelum  patet,  effusa  est  ira  Dei  in  orbem  universum.  Veritas  Dei  veram  Dei  notitiam  significat.  Eam  continere,  est  supprimere,  seu  obscurare:  unde  veluti  furti  subarguuntur.  Ubi  vertimus  iniuste,  habet  Paulus  in  iniustitia:  quae  hebraica  phrasis  idem  valet:  sed  nos  studuimus  perspicuitati.  19.  Quia  quod  notum  est  Dei.  Sic  appellat  *)  quod  de  Deo  cognoscere  fas  est  vel  expedit.  Intelligit  autem  id  totum,  quod  pertinet  ad'gloriam  Domini  illustrandam:  vel  (quod  idem  est)  quidquid  nos  movere  excitareque  debet  ad  Deum  glorificandum.  Quo  verbo  significat,  Deum,  quantus  est,  minime  posse  mente  nostra  capi:  sed  aliquem  esse  modum  intra  quem  se  cohibere  debeant  homines:  sicuti  Deus  ad  modulum  nostrum  attemperat  quidquid  de  se  testatur.  Delirant  ergo  quicunque  scire  appetunt  quid  sit  Deus:  quia  spiritus  perfectae  sapientiae  doctor,  ad  TO  yvwaxov  nos  non  frustra  revocat.  Quomodo  autem  sit  cognitum,  mox  subiiciet.  Atque  in  i  p  s  i  s  dixit  magis  quam  simpliciter  i  p  s  i  s  ,  ad  maiorem  energiam.  Tametsi  enim  hebraicae  linguae  phrases  passim  usurpat  apostolus,  in  qua  beth  saepius  redundat:  hic  tamen  videtur  voluisse  indicare  manifestationem,  qua  propius  urgeantur  quam  ut  refugere  queant:  ut  certe  eam  cordi  suo  insculptam  quisque  nostrum  sentit.  Quod  dicit  Deum  manifestasse,  sensus  est,  ideo  conditum  esse  hominem  ut  spectator  sit  fabricae  mundi:  ideo  datos  ei  oculos,  ut  intuitu  tam  pulchrae  imaginis  ad  autorem  ipsum  feratur.  20.  Invisibilia  enim  ipsius.  Deus  per  se  invisibilis  est  :  sed  quia  elucet  eius  maiestas  in  operibus  et  creaturis  universis,  debuerunt  illinc  homines  agnoscere:  nam  artificem  suum  perspicue  declarat.  Qua  ratione  apostolus  ad  Hebraeos  (ll,  3)  saecula  dicit  esse  specula,  seu  spectacula  rerum  invisibilium.  Non  recenset  autem  singulatim  quae  in  Deo  considerari  possunt:  sed  docet  ad  aeternam  usque  eius  potentiam  et  divinitatem  perveniri.  Nam  qui  omnium  est  autor,  eum  oportet  sine  initio  esse,  et  a  *)  Pro  eo.