47:23  23  IN  EVANGELIUM  IOANNIS  24  mihi  praelatus  est:  cuius  ego  non  sum  dignus  solvere  corrigiam  calceamenti.  28.  Haec  in  Bethabara  facta  sunt  trans  Iordanem^  ubi  erat  Ioannes  baptizans.  24.  Erant  ex  Pharisaeis.  Dicit  suisse  Pharisaeos,  qui  tunc  primatum  tenebant  in  ecclesia,  ut  sciamus  non  fuisse  contemptibiles  aliquos  ex  grege  Levitarum,  sed  homines  autoritate  praeditos.  Hinc  fit  ut  de  baptismo  quaestionem  moveant.  Vulgares  ministri  qualicunque  responso  contenti  fuissent,  isti  autem,  quia  elicere  nequeunt  quod  cuperent,  temeritatis  insimulant  Ioannem,  quod  novum  ritum  inducere  audeat.  25.  Quid  ergo  baptizas.  Quum  hos  tres  gradus  constituunt,  videntur  apte  ratiocinari  :  Si  nec  Christus  es,  nec  Elias,  nec  propheta.  Neque  enim  cuiusvis  est  baptismi  usum  instituere.  Penes  Messiam  futura  erat  omnis  potestas.  De  venturo  Elia  hanc  opinionem  conceperant,  quod  ab  eo  inchoanda  esset  regni  et  ecclesiae  instauratio.  Prophetis  etiam  Dei  concedunt,  ut  provinciam  sibi  iniunctam  obeant.  Constituunt  igitur  novitatem  esse  illicitam,  quod  Ioannes  baptizat,  quum  nulla-  illi  publica  persona  a  Deo  imposita  sit.  Sed  in  eo  falluntur,  quod  Eliam  illum  esse  non  agnoscunt,  cuius  fit  mentio  apud  Malachiam  4,  5,  tametsi  Eliam  se  esse  neget  quem  ipsi  somniabant.  26.  Ego  baptizo  aqua.  Hoc  ad  corrigendum  eorum  errorem  satis  valere  debebat,  sed  profectu  caret  clara  alioqui  admonitio  apud  surdos:  nam  quum  ad  Christum  eos  mittit,  iamque  eum  adesse  pronuntiat,  hinc  constat  non  modo  divinitus  constitutum  esse  ut  sit  Christi  minister,  sed  esse  verum  Eliam  qui  ad  testandam  ecclesiae  renovationem  missus  sit.  Porro  non  exprimitur  hic  plena  antithesis,  quia  diserte  spiritualis  Christi  baptismus  non  opponitur  externo  Ioannis  baptismo,  sed  facile  subaudiri  potest  istud  posterius  membrum  de  baptismo  spiritus:  et  paulo  post  evangelista  utrumque  ponit.  Duo  autem  huius  responsionis  sunt  capita:  quod  Ioannes  nihil  praeter  fas  sibi  usurpet,  quia  autorem  baptismi  sui  Christum  habet,  in  quo  constat  signi  veritas:  deinde  quod  nihil  habeat  praeter  externi  signi  administrationem,  vis  autem  et  efficacia  penes  unum  Christum  tota  sit.  Ita  baptismum  suum  asserit,  quatenus  eius  veritas  aliunde  pendet.  Interim  vero  sibi  adimendo  spiritus  virtutem,  Christi  dignitatem  extollit,  ut  in  eum  solum  respiciant  homines.  Hoc  optimum  temperamentum,  ubi  minister  quidquid  autoritatis  sibi  vindicat,  ita  mutuatur  a  Christo,  ut  etiam  ad  eum  referat,  illi  soli  omnia  tribuens.  Caeterum  nimis  levi  hallucinatione  factum  est,  quod  Ioannis  baptismum  a  nostro  diversum  esse  putarunt.  Neque  enim  hic  Ioannes  de  baptismi  sui  utilitate  et  usu  disputat,  sed  tantum  cum  Christi  persona