46:23  23  HARMONIE  EVANGELIQUE.  mach,  comme  en  son  coeur.  Or  tout  cela  (comme  i'ay  dit)  n'a  pas  este  sans  raison:  car  des  le  com*  mencement  Dieu  a  voulu  advertir  les  Iuifs,  pource  qu'ils  estoyent  descendus  de  la  race  corrompue  d'Adam,  que  tous  devoyent  estre  esloignez  de  sa  face,  qu'ils  ne  devoyent  pas  tant  presumer,  que  d'approcher  de  luy,  veu  qu'ils  estoyent  pecheurs,  pleins  de  Biaoules,  et  d'offenses.  Voyla  comme  en  general  Dieu  a  voulu  humilier  les  hommes,  en  leur  remonstrant  qu'ils  devoyent  estre  reculez  bien  loin  de  luy.  Mais  cependant  il  leur  a  declare  qu'en  la  personne  d'un  Sacrificateur,  il  les  vouloit  accepter:  et  qu'il  ne  faloit  point,  qu'ayans  este  ainsi  humiliez,  ils  perdissent  courage,  maia  qu'ils  se  glorifiassent  en  ce  que  Dieu  par  sa  bonte  infinie  leur  pardonnoit  leurs  fautes,  et  leur  donnoit  un  moyen  amiable  pour  venir  a  luy,  combien  que  de  prime  face,  il  sembloit  qu'ils  en  fussent  reiettez,  et  du  tout  indignes  d'en  approcher.  Or  maintenant  cela  nous  appartient.  Cognoissons  donc  quand  Iesus  Christ  nous  est  donne,  que  c'est  pource  que  nous  sommes  bannis  du  royaume  des  cieux,  et  que  n'ayans  en  nous  que  pollution  et  ordure,  il  faut  que  nous  soyons  comme  reprouvez  de  Dieu,  maudits  iusqu'au  bout,  voire  indignes  de  cheminer  sur  la  terre:  tant  s'en  faut  que  nous  devions  penser  que  le  ciel  nous  soit  ouvert.  Nous  devons  donc  estre  exterminez  du  nombre  des  creatures,  ie  di  tous  ensemble,  a  fin  que  chacun  apprenne  de  baisser  la  teste,  considerans  l'origine  dont  nous  sommes  venus,  a  ce  que  tout  orgueil  soit  abatu  en  nous,  et  corrige.  Et  pour  c$  faire,  que  nous  cognoissions  de  quelle  bonte  Dieu  a  use  envers  nous,  quand  il  luy  a  pleu  nous  donner  Iesus  Christ,  en  la  personne  duquel  nous  luy  soyons  agreables.  Sommes-nous  donc  povres  pecheurs  en  nous?  Ho,  nous  ne  laissons  d'estre  iustes.  Et  comment?  Il  nous  faut  sortir  de  nous-mesmes:  c'est  a  dire,  il  faut  que  nous  soyons  vuides  de  toute  fiance  de  ce  que  nous  cuidons  apporter  a  Dieu,  et  que  nous  cherchions  nostre  iustice  en  Iesus  Christ,  voire  ceste  iustice  de  la  foy,  dont  il  est  parle  tant  souvent  en  l'Escriture  saincte.  Et  c'est  le  principe  de  toute  la  doctrine  de  salut,  et  le  fondement  de  toute  religion.  Ainsi  notons  bien  qu'estans  povres  criminels  devant  Dieu,  meritans  d'estre  abysmez  en  perdition,  toutesfois  nous  ne  laissons  pas  d'estre  iustes.  Et  comment?  En  la  personne  de  nostre  Seigneur  Iesus  Christ.  Et  d'autant  que  nous  sommes  povres  pecheurs,  qui  n'osons  pas  approcher  du  Sanctuaire  de  Dieu,  il  faut  qu'il  nous  porte  sur  ses  espaules,  et  en  son  coeur:  car  il  s'est  allie  avec  nous  en  telle  condition,  que  tout  ce  qu'il  ha,  nous  appartient,  et  qu'il  a  exerce  l'office  de  Sacrificateur,  s'offrant  a  Dieu  son  Pere  en  la  croix,  non  pas  pour  luy  (car  il  n'avoit  point  besoin  d'obtenir  pardon  de  ses  pechez,  il  estoit  pur  et  sans  macule),  mais  il