42:23  23  SERMON  XXXVI.  24  tendoit  mettre  en  sa  subiection,  pour  cette  cause  il  va  faire  alliance  avec  Philippes,  mais  ii  n'y  gaigne  rien,  car  il  y  aura  un  prince  (dit  Daniel)  lequel  le  dissipera,  car  il  falut  en  la  fin  qu'il  donnast  bataille,  qu'il  feist  de  grandes  pertes,  et  desconfitures  de  gens,  par  ce  qu'il  envoia  en  Grece,  et  d'autres  entreprinses  qu'il  feit,  mais  c'estoient  de  pauvres  menees,  comme  tout  ce  gouvernement  monstre  bien,  qu'il  n'y  avoit  ni  prudence,  ni  scavoir,  ni  vertu  en  luy,  car  quand  il  eust  passe  la  mer,  ce  fut  seulement  pour  se  venir  marier  a  la  fille  d'un  bourgeois,  pour  faire  des  banquets,  et  des  triomphes,  il  s'en  vient  prendre  une  fille  inconneue,  pour  ce  qu'il  s'en  estoit  amourache,  et  apres  luy  avoir  fait  de  grands  dons  et  presens,  et  a  son  pere,  il  s'en  retourne,  pensant  estre  eschappe.  Or  si  est-ce  qu'en  la  fin  c'est  a  bon  escient,  car  Luce  Scipion  luy  donna  la  bataille  (qui  estoit  frere  du  Scipion  qui  avoit  vaincu  Carthage)  et  falut  qu'il  vint  a  iube,  qu'il  obeist  aux  Romains,  et  qu'il  se  rengeast  a.  eux.  La  dessus  les  Romains  se  vengent  aussi  de  ce  roy  de  Syrie,  et  se  iettent  sur  le  pays  et  l'occupent,  seulement  ils  luy  baillent  quelque  petit  coing  de  pays  pour  habiter,  et  luy  imposent  ses  limites  outre  la  montagne  de  Taurus,  voire,  et  faut  qu'il  envoie  ses  deux  fils  en  hostage  a  Rome,  c'est  a  scavoir,  Antiochus  Epiphanes,  et  Demetrius.  Voila  donc  quant  a  ce  second  voiage  que  feist  Antiochus  le  grand  en  Egypte.  Or  venons  maintenant  a  ce  que  nous  dit  Daniel,  pour  voir  l'issue  de  cette  histoire  qui  est  ici  contenue:  il  est  dit,  qu'en  ce  temps  plusieurs  s'esleveront  contre  le  roy  d'Aquilon,  et  assemblera  une  plus  grande  multitude,  et  viendra  en  la  fin  des  temps,  et  des  ans,  c'est  a  dire,  selon  le  temps  ordonne,  car  l'ange  veut  ici  signifier  que  Dieu  ha  limite  les  iours,  tellement  qu'il  n'en  passera  pas  une  minute  sans  sa  providence  :  il  est  vray  que  les  hommes  ne  connoissent  point  cela,  mais  Dieu  ha  tous  les  temps  et  les  saisons  en  sa  main.  Ainsi  donc  il  viendra  avec  plus  grande  multitude  que  la  premiere,  et  en  ce  temps  la  plusieurs  s'esleveront  contre  le  roy  de  Midi,  car  Antiochus  le  grand  avoit  pense  d'usurper  tout  le  royaume  d'Egypte,  ce  qu'il  eust  fait,  n'eust  este  qu'il  fut  empesche  (comme  nous  avons  dit).  Aussi  les  fils  des  dissipateurs  de  ton  peuple  s'esleveront,  or  ceci  appartient  (comme  il  sera  apres  declare)  aux  Iuifs,  mais  quant  a  ce  roy  d'Aquilon,  il  est  dit  qu'il  viendra,  et  iettera  machines  de  guerre,  et  les  bras  de  Midi  ne  pourront  resister,  et  n'y  aura  point  de  vertu  a  son  peuple  d'eslite  pour  resister,  car  il  gaigner��  a  cause  que  le  roy  d'Egypte  estoit  un  pupille  qui  regnoit  alors,  et  quand  il  viendra  a  luy  il  fera  selon  son  plaisir,  car  les  Romains  pour  le  premier  voiage  u'envoierent  point  de  secours  au  roy  d'Egypte