41:23  23  PRAELECTIONES  24  22.  Deus  meus  misit  angelum  suum,  et  conclusit  os  leonum,  et  non  nocuerunt  mihi:  quoniam  coram  ipso  innocentia  (ve),  integritas)  inventa  est  in  me:  atque  etiam  coram  te,  rex,  pravitatem  non  commisi.  Hic  modeste  et  blande  respondet  Daniel  regi,  cuius  tamen  imperio  coniectus  fuerat  in  speluncam.  Poterat  merito  irasci,  et  cum  eo  expostulare,  quod  ita  impie  desertus  foret.  Rex  enim  Darius  expertus  fuerat  fidelem  ministrum:  usus  fuerat  utiliter  eius  opera.  Quum  videret  opprimi  iniustis  calumniis,  non  se  opposuit  tam  cordate  ut  decebat:  imo  tandem  fractus  minis  suorum  procerum,  iussit  Danielem  proiici  in  foveam.  Poterat  igitur  Daniel,  quemadmodum  dixi,  de  regis  crudelitate  et  perfidia  conqueri.  Hoc  non  facit,  sed  dissimulat  hanc  iniuriam,  quia  satis  erat  eius  liberatione  illustratam  fuisse  Dei  gloriam.  Neque  enim  aliud  captabat  sanctus  propheta:  imo  bene  precatur  regi.  Et  quanquam  vulgarem  formulam  usurpat,  tamen  ex  animo  loquitur,  quum  dicit,  O  rex,  in  aeternum  vive,  hoc  est,  Deus  proroget  tibi  vitam,  et  benedicat  perpetuo.  Multi  futiliter  ita  salutant  reges  suos,  atque  etiam  socios:  sed  minime  dubium  est  quin  Daniel  ex  animo  optaverit  regi  et  longam  vitam  et  felicem.  Postea  adiungit,  Deus  meus,  inquit,  misit  angelum  suum,  et  conclusit  os  leonum.  Hic  videmus  a  Daniele  aperte  distribui  iuvandi  officium  angelis,  sic  ut  penes  Deum  maneat  tota  potestas.  Dicit  ergo  se  liberatum  fuisse  manu  atque  opera  angeli:  sed  exprimit  angelum  fuisse  ministrum  salutis,  non  autorem.  Deus  ergo  est,  inquit,  qui  misit  angelum.  Vidimus  aliquoties  confuse  loquutos  fuisse  Chaldaeos,  quum  esset  Dei  mentio.  Vocabant  enim  deos  sanctos.  Sed  hic  Daniel  asserit  uni  Deo  suam  gloriam  in  solidum:  neque  hic  proponit  deorum  turbam,  sicuti  haec  opinio  semper  valuit  apud  homines  profanos.  Unitatem  ergo  Dei  primo  loco  praedicat:  deinde  adiungit  angelos  praesto  esse,  ut  opitulentur  servis  Dei  :  sed  hoc  facere,  prout  ipsis  iniunctum  est.  Ita  integra  laus  salutis  manet  penes  unum  Deum:  quoniam  scilicet  angeli  non  ferunt  opem  quibus  visum  est,  neque  moventur  suo  arbitrio,  sed  tantum  obtemperant  imperio  Dei.  Notandum  etiam  est  quod  sequitur,  Deum  conclusisse  os  leonum.  Nam  his  verbis  docet  propheta  et  leones  et  saevissimas  quasque  belluas  esse  in  manu  Dei,  et  cohiberi  secreto  eius  fraeno:  ita  ut  non  saeviant,  neque  afferant  quidquam  noxae,  nisi  quoad  Deus  permiserit.  Sciamus  ergo  truculentas  bestias  ideo  nobis  esse  noxias,  quoniam  Deus  vult  superbiam  nostram  humiliare.  Interea  sciamus  etiam  nullam  esse  adeo  saevam  bestiam,  quae  vel  unguibus,  vel  dentibus  noceat,  nisi  quoad  Deus  fraenum  laxaverit.  Et  haec  doctrina  apprime  utilis  est  cognitu:  quoniam  trepidamus  ad  minima  quaeque  pericula,  etiam  ad  strepitum  folii  cadentis.  ]