40:23  23  PRAELECTIONES  Nunc  iste  Ioiachin  statim  transiit  ad  regem  Nabuchadnezer,  et  captus  fuit  a  principio  regni.  Regnavit  enim  tres  vel  quatuor  menses  duntaxat.  Postea  ultimus  rex  Zedechias  impositus  fuit  libidine  regis  babylonii.  Videmus  ergo  confici  annos  viginti  novem.  Adde  spatium  illud  quo  regnavit  Ioachin:  ita  minime  dubium  est  quin  fuerit  annus  tricesimus  a  decimo  octavo  regni  Iosiae.  Eodem  anno  lex  Dei  reperta  fait,  verum  est:  sed  propheta  hic  se  accommodat  ad  receptam  legem  et  consuetudinem.  Nunc  veniendum  est  ad  consilium  Dei,  cur  Ezechielem  sumpserit  sibi  prophetam.  Triginta  quinque  annis  iam  non  cessaverat  Ieremias  clamare,  sed  exiguo  profectu.  Quum  ergo  propheta  se  ita  conficeret,  nempe  Ieremias,  voluit  Deus  hunc  ei  dare  adiutorem.  Nec  certe  parva  fuit  levatio,  quum  Ieremias,  qui  Hierosolymae  erat,  intelligeret  spiritum  sanctum  consentienter  loqui  per  os  alterius.  Hoc  enim  modo  obsignabatur  veritas  doctrinae.  Nam  decimo  tertio  Iosiae  anno  suscepit  prophetae  munus  Ieremias:  restant  anni  octodecim:  addamus  nunc  undecim  annos  Ioiakim,  erunt  viginti  novem  :  deinde  addamus  unum  annum,  et  quinque,  habebimus  annos  triginta  quinque.  Fuit  autem  dura  haec  provincia,  per  annos  triginta  quinque  assidue  vociferari,  et  apud  surdos,  imo  etiam  apud  phreneticos.  Deus  ergo  ut  succurreret  servo  suo  adiunxit  socium,  qui  eadem  apud  Babylonios  doceret  quae  Ieremias  non  destiterat  clamare  Hierosolymae.  Profuit  autem  non  tantum  captivis,  sed  etiam  reliquiis  populi,  quae  adhuc  in  urbe  et  terra  manebant.  Quantum  ad  captivos  spectat,  necessaria  illis  fuit  haec  confirmatio.  Nam  habebant  illic  pseudoprophetas,  ut  vidimus  cap.  29  Ieremiae.  Erat  enim  Achab  filius  Cholaiae,  erat  et  filius  Maasiae  Zedechias:  illi  quum  superbe  iactarent  se  praeditos  esse  spiritu  revelationis,  pollicebantur  mira  populo:  ridebant  eorum  facilitatem,  qui  ita  patriam  suam  reliquerant:  dicebant  fuisse  satius  ad  extremum  usque  pugnare,  et  periclitari  de  vita  potius,  quam  se  ultro  abdicare  illa  haereditate  divinitus  promissa.  Insultabant  ergo  captivis  hoc  modo.  Deinde  erat  etiam  Semaiah  Nehelamites,  qui  scribebat  ad  summum  sacerdotem  Zephaniam,  et  eum  obiurgabat  tanquam  segnem  vel  mollem,  qui  non  severe  comprimeret  Ieremiam  quasi  arreptitium  vel  fanaticum,  qui  falso  sibi  arrogaret  prophetae  munus.  Quum  ergo  diabolus  haberet  illic  sua  flabella,  Deus  opposuit  suum  prophetam.  Ergo  videmus  quam  utile  fuerit,  imo  necessarium,  illic  Ezechielem  fungi  officio  prophetae.  Sed  utilitas  doctrinae  eius  longius  patebat,  quoniam  qui  Hierosolymae  erant,  coacti  fuerunt  audire  quid  vaticinatus  esset  Ezechiel  apud  Chaldaeos.  Quum  autem  viderent  eum  subscribere  Ieremiae  vaticiniis,  fieri  non  potuit  quin  saltem  disquirerent  quid  hoc  sibi  vellet.  Neque  enim  >