39:23  23  PRAELECTIONES  24  exsilio,  quid  hoc  sibi  velit,  quod  tamen  iubet  agrum  emere,  et  contestari  testes,  quum  tamen  urbs  sit  hostibus  tradita?  Postquam  exposuit  Ieremias  summam  suae  precationis,  nunc  subiicit  responsum  quod  accepit  a  Deo,  ubi  perspicitur  fructus  precationis:  quia  scilicet  de  reditu  et  liberatione  sic  edoctus  fuit,  ut  omnes  fideles  spem  conciperent:  deinde  innixi  promissioni  alacriter  ferrent  suum  exsilium  usque  ad  praefixum  tempus.  Verba  sunt,  26.  Et  fuit  sermo  Iehovae  ad  Ieremiam,  dicendo,  27.  Ecce  ego  Iehovah  Deus  universae  carnis:  an  a  me  abscondita  erit  ulla  res?  (vel  an  mihi  difficilis  erit  ulla  res?)  Diximus  enim  duplici  modo  posse  exponi  verbum  iOB\  iOB  enim  significat  esse  absconditum  et  admirabile.  Unde  etiam  per  metaphoram  accipitur  pro  difficili  et  impossibili.  Multi  ita  exponunt,  quod  nihil  Deum  fugiat.  Sed  ego  libentius.  Quemadmodum  proxima  lectione  dixi,  refero  ad  potentiam,  quod  scilicet  omnia  sint  in  manu  Dei  et  arbitrio,  ita  ut  sese  ab  omni  difficultate  expediat.  Unde  enim  tanta  hominum  anxietas,  nisi  quia  subsistunt  in  obstaculis?  Deus  autem  nullo  negotio  illa  omnia  superat.  Ergo  ne  mentes  nostrae  ita  perplexae  haereant,  merito  obiicitur  nobis  potentia  Dei.  Et  hic  sensus  optime  quadrat  praesenti  causae.  Ieremias  enim,  quum  occurreret  repugnantiae  species,  coactus  est  suam  anxietatem  coniicere  in  sinum  Dei.  Deus  ergo,  ut  eum  expediat,  dicit  nihil  sibi  esse  difficile,  nempe  quia  Deus  est  universae  carnis.  Quanquam  sub  hac  voce  interdum  scriptura  comprehendit  omne  genus  animalium,  tamen  saepius  accipitur  tantum  de  genere  humano.  Neque  tamen  subtiliter  hunc  locum  interpretor  ac  si  Deus  profanas  gentes*  opponeret  Iudaeis,  atque  ita  negaret  se  amplius  Deum  fore  Abrahae  filiis,  quoniam  propter  eorum  scelera  ipsos  abdicaverat.  Sed  per  excellentiam  dicit  se  esse  regem  totius  terrae,  atque  ita  dominari  generi  humano.  Quum  ergo  Deus  sim  universae  carnis,  inquit,  an  quidquam  erit  mihi  impossibile  ?  28.  Propterea  sic  dicit  Iehovah,  Ecce  ego  trado  urbem  hanc  in  manum  Chaldaeorum,  et  in  manum  Nabuchadneser  regis  Babylonis.  29.  Et  ingredientur  Chaldaei  qui  oppugnant  urbem  hanc,  et  succendent  urbem  hanc  igne,  et  exurent  eam,  et  domus  in  quibus  suffitum  fecerunt  super  tecta  ipsarum  Baal,  et  libamen  litarunt  diis  alienis  ad  me  provocandum.  Summa  responsi  est,  quamvis  Deus  tempus  exsilii  finierit  70  annis,  non  esse  tamen  cur  hypocritae  inde  animos  colligant,  quia  haec  promissio