38:23  23  PRAELECTIONES  24  confidenter  iactabant:  vel  non  putabant  Chaldaeos  ita  paratos  fore  ad  expeditionem.  Sed  quum  ita  inflati  essent  prava  confidentia,  hic  propheta  recitat  quid  paulo  post  sint  dicturi,  Transiit  messis,  aestas  est  finita,  et  nos  non  sumus  servati,  hoc  est,  putavimus  tandem  venturos  nobis  in  auxilium  esse  socios,  quibuscum  foedus  contraximus:  sed  decepti  sumus  hac  opinione.  Quoniam  dicunt  elapsam  esse  messem,  quidam  existimant  sperasse  auxilium  ab  Aegyptiis,  postquam  fruges  essent  collectae  in  horrea:  tunc  enim  plus  est  otii:  deinde  suppetit  annona,  ut  copiae  traiici  commodius  possint.  Sed  videtur  propheta  complecti  totum  tempus  idoneum  bello  gerendo:  quasi  dicerent,  Quid  fiet  tandem  nobis?  nam  si  volebant  Aegyptii  opem  ferre,  utendum  erat  tempore  anni:  atqui  praeteriit  messis,  et  aestas  est  iam  finita.  An  nunc  advenient,  quum  rigor  hyemis  domi  nos  continet?  perinde  est  igitur  ac  si  dicerent,  nihil  sperandum  esse  auxilii,  vel  ab  Aegyptiis,  vel  ab  aliis  foederatis,  quoniam  omnis  occasio  sit  elapsa.  Nihil  minus  erat  credibile  tunc  Iudaeis.  Nam  sicut  alibi  visum  est,  non  dubitabant  semper  obtrudere  Aegyptios,  et  illos  supponere  in  locum  Dei:  sed  propheta  inane  nulliusque  momenti  esse  docet  quidquid  polliciti  fuerant  Aegyptii:  tandem  sensurum  experientia  populum  fuisse  meras  nugas,  imo  imposturas,  et  fallacias.  Denique  in  persona  populi,  quo  magis  emphatica  sit  oratio,  describit  quod  paulo  post  visuri  erant,  et  tamen  tunc  non  poterant  credere.  Sequitur,  21.  Super  contritione  filiae  populi  mei  contritus  sum,  obtenebratus  sum,  stupor  (nam  DDtP  est  stupere,  et  attonitum  esse:  stupor  ergo)  apprehendit  me.  Quoniam  tanta  erat  durities  in  populo  ut  non  afficerent  illos  minae,  quas  vidimus,  ideo  transfert  nunc  propheta  in  suam  personam,  quod  nuper  illis  adscripsit.  Videmus  ergo  ut  propheta  varie  sermonem  suum  flectat  in  multas  formas:  sed  optima  ratio  est,  quoniam  non  poterat  reperire  vehementiam,  quae  penetraret  in  animos  vel  lapideos,  vel  etiam  ferreos.  Ne  miremur  ergo  multiplices  has  figuras  in  prophetae  sermone,  quia  necesse  fuit  nunc  uno  modo,  nunc  alio  proponere  iudicium  Dei,  ut  tandem  expergefieret  torpor  ille  in  populo.  Dicit  ergo  se  esse  contritum  super  contritione  populi  suu  Non  dubium  est  quin  fuerit  derisus  a  magna  parte:  O,  condoleas  malis  tuis,  nobis  bene  est,  ac  prospere:  quis  abs  te  petivit  hanc  misericordiam?  ne  ergo  quidquam  te  favoris  putes  apud  nos  posse  consequi,  quia  contenti  sumus  nostra  sorte:  defleas  potius  tuas  calamitates,  si  tibi  male  est  domi,  sed  sinas  nos  interea  frui  nostris  delitiis:  quoniam  Deus  est  nobis  propitius,  et  nobis  indulget.  Sic