37:23  23  IN  ISAIAM  24  tuito  regi  sineret,  sed  curam  gerere  eius  servandi,  iusque  et  dominationem  retinere.  Sed  quia  humanum  genus  propius  respicere  dignatur,  ideo  hanc  partem  deligit  propheta,  in  qua  eius  providentiam  commendet.  Summa  quidem  est,  quaquaversum  patere  eius  imperium,  ut  omnia  suo  arbitrio  moderetur  et  gubernet:  sed  quod  maxime  erat  utile  cognitu,  in  ipsa  hominum  vita  praesentissimae  Dei  virtutis  illustres  notas  docet  conspici:  imo  generali  doctrina  non  contentus  speciem  in  medium  proponit,  qua  magis  expergefieri  nos  decet.  Quidquid  vulgo  ignobili  accidit,  quasi  minus  spectatu  dignum  vilescit  ac  praeterit.  Regna  autem,  et  monarchias,  vel  homines  summa  dignitate  praeditos  e  sublimi  decidere,  quaedam  videtur  esse  terrae  concussio:  scite  propheta  talibus  documentis  nos  excitat.  Principes  certe  et  magistratus  a  communi  sorte  exempti  nec  communibus  hominum  miseriis  obnoxii  esse  videntur.  Splendore  enim  suo  omnium  oculos  et  mentes  perstringunt:  ipsi  vero  prorsus  hebetantur.  Ideo  potissimum  illos  nominat  propheta,  atque  in  nihilum  a  Domino  redigi  pronuntiat.  Quod  si  adversus  magnates  et  principes  tantum  potest  Dei  manus,  quid  de  vulgo  censendum  est?  an  non  etiam  pro  arbitrio  suo  promiscua  multitudine  utetur,  et  quovis  impellet?  an  non  ei  vires  et  animi  robur,  sicuti  visum  erit,  aut  dabit  aut  adimet?  24.  (Perinde  ut  non  plantati.)  Tametsi  particula  FjN  significet  Etiam:  tamen  huic  loco  magis  convenit  quod  reddidi  Adeo  ut.  Itaque  simplex  erit  sensus:  Adeo  ut  dicas  plantatos  non  fuisse,  nec  seminatos.  Amplificatio  autem  est  eius  quod  prius  dixerat.  Funditus  enim  deleri  principes  atque  evelli  ostendit,  ut  ne  vestigium*  quidem  ipsorum  reliquum  sit,  ac  si  nunquam  exstitissent.  Quamdiu  statum  suum  retinent,  sic  firmi  videntur  ut  nullo  adverso  casu  deiici  possint.  At  eiusmodi  conversiones  accidunt  quae  deleant  nomen  ipsum  et  memoriam,  ut  dicas  nunquam  exstitisse:  idque  non  tantum  hominibus,  sed  etiam  florentissimis  regnis  accidisse  videmus.  Qu  u  m  igitur  graves  ruinae  totidem  sint  formidabilis  potentiae  Dei  signa,  discamus  non  inniti  fallacibus  terrae  fulturis,  sed  utcunque  suppetant  copiae  aut  vires,  ab  ipso  pendeamus.  Neque  enim,  ut  blaterant  profani  homines,  mundum  instar  pilae  versat  Deus,  quasi  eum  delectet  hic  ludus:  sed  ut  quisque  in  sublime  evectus  est,  se  insolenter  iactando  finem  non  facit,  donec  se  praecipitet,  ut  semper  appareant  eius  iudicia.  Unde  etiam  monemur  perperam  adscribi  fortunae  vel  aliis  causis  varios  rerum  eventus.  Nec  enim  Deus  momentaneus  creator  fuit,  qui  curam  operis  sui  statim  abiiceret:  sed  assidue  manum  admotam  habet,  ne  quid  nisi  eius  arbitrio  et  voluntate  agatur.  Quum  igitur  variae  in  mundo  accidunt  mutationes,  quum  fluxa  et  caduca  esse  videmus  quae  firma  et  fixa  esse