35:23  23  SERMON  CXX  24  savons  user  pour  glorifier  nostre  Dieu,  et  pour  edifier  ceux  qui  en  ont  besoin,  il  es^  certain  que  nous  sommes  tant  plns  coulpables.  Voila  ce  que  nous  avons  ici  a  noter  pour  un  Item.  Or  cependant  il  nous  faut  aussi  faire  ici  comparaison  de  deux  degrez,  c'est  a  savoir,  Que  si  c'est  Dieu  qui  donne  intelligence  especiale  aux  hommes  pour  discerner  des  choses  qui  appartieneut  a  ceste  vie  caduque:  que  sera-ce  de  la  doctrine  de  l'Evangile,  de  la  vraye  religion  et  pure?  Auronsnous  cela  de  nature?  Le  pourrons  nous  acquerir  par  nostre  industrie?  Helas!  il  s'en  faut  beaucoup.  S'il  est  question  qu'un  homme  soit  bon  maistre  d'escole  pour  enseigner  les  enfans,  qu'il  soit  bon  advocat  ou  medecin,  qu'il  soit  bon  marchant  de  ville,  ou  bon  laboureur  des  champs,  encores  faut-il  que  l'Esprit  de  Dieu  besongne  en  tout  cela.  Un  homme  aura  besoin  d'estre  aigu  en  une  chose,  comme  les  arts  mecaniques  requerront  aucunesfois  plus  grand  esprit,  que  ne  fera  pas  la  marchandise.  Or  donc  en  toutes  ces  choses-la  qui  semblent  estre  vulgaires  de  soy  et  de  peu  de  prix,  si  faut-il  que  Dieu  distribue  de  son  esprit  aux  hommes.  Maintenant  si  nous  venons  a  la  doctrine  de  l'Evangile,  voila  une  sagesse  qui  surmonte  tout  sens  humain,  mesmes  qui  est  admirable  aux  Anges:  voila  les  secrets  du  ciel  qui  sont  contenus  en  l'Evangile:  car  il  est  question  de  cognoistre  Dieu  en  la  personne  de  son  Fils:  et  combien  que  nostre  Seigneur  Iesus  soit  descendu  ici  bas,  si  est-ce  qu'il  nous  faut  comprendre  sa  maieste  divine,  ou  nous  ne  pouvons  pas  nous  fonder,  et  reposer  nostre  foy  en  luy.  Il  est  question,  di-ie,  que  nous  cognoissions  ce  qui  est  incomprehensible  a  la  nature  humaine.  Or  donc  s'il  faut  que  Dieu  quant  aux  arts  mecaniques,  quant  aux  sciences  humaines  qui  concernent  la  vie  transitoire,  nous  distribue  de  son  sainct  Esprit,  par  plus  forte  raison  ne  pensons  point  par  nos  subtilitez  de  cognoistre  que  c'est  de  Dieu  et  des  secrets  de  son  royaume:  mais  il  faut  qu'il  nous  instruise:  et  cependant  il  faut  que  nous  devenions  du  tout  fols  quant  a,  nous,  comme  dit  sainct  Paul  (1.  Cor.  3,  18),  pour  estre  participans  d'une  telle  sagesse.  Car  voila  la  sentence  qu'il  en  donne  (1.  Cor.  2,  14),  Que  l'homme  sensuel  ne  comprend  iamais  la  doctrine  de  Dieu:  c'est  h  dire  cependant  que  les  hommes  demeurent  en  leur  naturel,  ils  ne  savent  que  c'est  de  Dieu,  et  ne  peuvent  iamais  gouster  sa  parole;  qui  pis  est  elle  leur  est  folie,  dit  sainct  Paul  (1.  Cor.  1,  18):  car  il  semble  que  ce  soit  une  doctriue  sans  raison,  et  pourtant  il  n'y  a  que  le  seul  Esprit  de  Dieu  qui  nous  donne  la  foi,  et  qui  nous  illumine.  Et  ceci  doit  bien  estre  note,  car  nous  sommes  souvent  esblouys  quand  nous  voyons  qu'il  y  en  a  tant  peu  qui  cognoissent  que  c'est  de  Dieu,  et  mesmes  que  beaucoup  de  gens  qui  sont  en  aage,  et  qui  ont