34:23  23  SERMON  LXIII  24  cognust  mais  cependant  que  nous  appercevons  nostre  turpitudo  pour  y  estre  confus,  et  nous  y  desplaire,  il  n'en  est  point  question  ni  de  nouvelles.  Et  tant  y  a  que  ceci  n'est  pas  escrit  en  vain.  Apprenons  donc  que  quand  aucun  de  nous  sera  afflige,  combien  qu'il  n'use  point  d'un  sac,  combien  qu'il  ne  iette  point  la  poudre  sur  ta  teste:  toutes  fois  nous  devons  tant  qu'il  nous  sera  possible  nous  inciter  par  tous  moyens  que  nous  verrons  nous  estre  propices.  Quand  quelqu'un  sera  retire  en  son  prive,  qu'il  cognoisse,  Or  ca,  ie  ne  prie  point  Dieu  de  telle  affection  comme  ie  devroye:  qu'il  regarde,  un  tel  moyen  me  seroit  bon  quand  ie  me  mettray  a  terre,  que  ie  seray  la  comme  ayant  la  bouche  en  la  poudre,  estant  confus  devant  Dieu,  et  cela  me  devra  tant  plus  toucher  au  vif,  et  ie  seray  incite  a  recourir  a  mon  Dieu.  Voila  (di-ie)  comme  chacun  se  doit  inciter  en  son  particulier,  sur  tout  quand  la  necessite  nous  y  contraint,  comme  nous  voyons  quelle  est  maintenant  par  trop.  Et  qu'aussi  tous  en  commun  nous  facions  le  semblable.  Si  tost  que  Dieu  envoyera  quelque  peste,  ou  quelque  famine,  pensons-nous  que  ce  ne  lui  fust  un  sacrifice  plaisant,  si  l'on  faisoit  protestation  solennelle  ,  que  et  grands  et  petis  confessassent  leurs  fautes  devant  lui,  et  qu'un  chacun  incitast  ses  prochains  a  ce  faire?  Quand  au  contraire  nous  venons  la  teste  levee,  et  qu'il  semble  que  nous  ne  sentions  point  les  corrections,  que  nous  facions  le  niquet  a  Dieu,  nous  esbahissons  nous  s'il  redouble  les  coups,  mesmes  s'il  nous  punist  sept  fois  plus?  comme  il  en  est  parle  en  sa  Loi.  Nous  saurons  bien  nous  despiter,  et  demander,  Pourquoy  est-ce  qu'il  nous  presse  tant:  voire  mais  nous  ne  regardons  pas  comme  quand  il  nous  a  voulu  humilier,  nous  avons  repousse  les  coups  avec  une  telle  fierte  et  rebellion,  qu'il  faut  bien  qu'il  les  redouble.  Ainsi  donc  advisons  de  mieux  pratiquer  ceste  doctrine  qui  nous  est  ici  monstree  par  Iob.  Et  au  reste  notons  bien  ce  qu'il  dit  pour  conclusion,  c'est  assavoir,  Qu'il  ruy  a  point  eu  de  rapines  en  ses  mains,  et  que  son  oraison  a  este  pure.  Iob  adiouste  ceci  (comme  i'ay  touche)  pour  signifier  qu'une  telle  affliction  lui  estoit  estrange:  car  voila  comme  il  en  a  parle  ci  dessus.  Et  de  fait  quand  Dieu  nous  afflige,  voila  qu'il  nous  faut  faire,  d'entrer  en  nous-mesmes,  et  d'examiner  nostre  vie:  et  la  dessus  quand  nous  aurons  offense,  que  nous  gemissions  devant  Dieu  pour  dire,  Helas  Seigneur!  il  est  vray  que  tu  m'affliges  rudement:  mais  si  ie  fay  comparaison  de  mes  fautes,  et  que  ie  les  mette  en  balance  avec  le  mal  que  i'endure,  helas  Seigneur!  ie  say  que  ie  t'ay  offense  en  tant  de  sortes,  que  quand  tu  m'aurois  plonge  iusques  aux  enfers,  i'en  suis  bien  digne.  Yoila  ce  que  nous  avons  a  faire.  Or  si  nous  n'appercevons  point  que  Dieu