33:23  23  SERMON  I  quand  le  diable  nous  vient  mettre  en  pbantasie,  que  Dieu  nous  est  ennemy  mortel,  et  qu'il  ne  faut  plus  que  nous  ayons  recours  a  luy,  ains  que  nous  sachions  que  iamais  il  ne  nous  doit  faire  merci.  Voila  ou  tendent  tous  les  propos  qu'ont  mis  en  avant  les  amis  de  Iob,  c'estoit  de  luy  persuader,  qu'il  estoit  un  homme  reprouve  de  Dieu,  et  qu'il  s'abusoit  bien  cuidant  que  Dieu  luy  deust  estre  propice.  Or  ces  combats  spirituels  sont  beaucoup  plus  difficiles  a  porter;  que  ne  sont  pas  tous  les  maux  et  toutes  les  adversitez  que  nous  pouvons  souffrir  quand  on  nous  persecute.  Tant  y  a  que  Dieu  lasche  la  bride  a  Satan,  qu'il  attire  avec  luy  ses  serviteurs,  lesquels  nous  donneront  de  tels  assauts,  comme  nous  verrons  que  Iob  en  a  endure.  Voila  pour  un  Item.  Mais  cependant  nous  avons  aussi  a  noter,  qu'en  toute  la  dispute  Iob  maintient  une  bonne  cause,  et  son  adverso  partie  en  maintient  une  mauvaise.  Or  il  y  a  plus,  que  Iob  maintenant  une  bonne  cause  la  deduit  mal,  et  les  autres  menans  une  mauvaise  cause  la  deduisent  bien.  Quand  nous  aurons  entendu  cela,  ce  nous  sera  comme  une  clef  pour  nous  donner  ouverture  a  tout  le  livre.  Comment  est-ce  que  Iob  maintient  une  cause  qui  est  bonne?  c'est  qu'il  cognoist  que  Dieu  n'afflige  pas  tousiours  les  hommes  selon  la  mesure  de  leurs  pechez:  mais  qu'il  a  ses  iugemens  secrets,  desquels  il  ne  nous  rend  pas  conte,  et  cependant  qu'il  faut  que  nous  attendions  iusques  a  ce  qu'il  nous  revele  pourquoy  il  fait  ceci,  ou  cela.  Il  a  donc  tout  ce  propos  persuade,  que  Dieu  n'afflige  point  tousiours  les  hommes  selon  la  mesure  de  leurs  pechez,  et  de  cela  il  en  a  tesmoignage  en  soy,  qu'il  n'estoit  pas  un  homme  reiette  de  Dieu,  comme  on  luy  veut  faire  a  croire.  Voila  une  cause  qui  est  bonne  et  vraye,  cependant  elle  est  mal  deduite:  car  Iob  se  iette  ici  hors  des  gonds  et  use  de  propos  excessifs,  et  enormes,  tellement  qu'il  se  monstre  un  homme  desespere  en  beaucoup  d'endroicts.  Et  mesmes  il  s'eschauffe  tellement,  qu'il  semble  qu'il  vueille  resister  a  Dieu.  Voila  donc  une  bonne  cause  qui  est  mal  conduite.  Or  au  contraire  ceux  qui  soustiennent  ceste  mauvaise  cause,  que  Dieu  punit  tousiours  les  hommes  selon  la  mesure  de  leurs  pechez,  ont  de  belles  sentences,  et  sainctes,  il  n'y  a  rien  en  leurs  propos  qu'il  ne  nous  faille  recevoir,  comme  si  le  Sainct  Esprit  l'avoit  prononce:  car  c'est  pure  verite,  ce  sont  les  fondemens  de  la  religion,  ils  traittent  de  la  Providence  de  Dieu,  ils  traittent  de  sa  iustice,  ils  traittent  des  peschez  des  hommes.  Voila  donc  une  doctrine,  laquelle  nous  avons  a  recevoir  sans  contredict,  et  toutesfois  le  but  est  mauvais,  que  ces  gens  icy  taschent  a,  mettre  Iob  en  desespoir,  et  l'abysmer  du  tout.  Or  par  cela  nous  voyons  quand  nous  avons  un  bon  fondement,  qu'il  nous  faut  regarder  de  bastir  dessus,  en