31:23  23  24  colere,  Deus  ita  per  varios  flexus  me  circumegit,  ut  nusquam  tamen  quiescere  permitteret,  donec  repugnante  ingenio  in  lucem  pertractus  sum.  Eoque  consilio  relicta  patria,  in  Germaniam  concessi,  ut  in  obscuro  aliquo  angulo  abditu8  quiete  diu  negata  fruerer.  Ecce  autem  quum  incognitus  Basileae  laterem,  quia  multis  piis  hominibus  in  Gallia  exustis  grave  passim  apud  Germanos  odium  ignes  illi  excitaverant,  sparsi  sunt  eius  restinguendi  causa  improbi  et  mendaces  libelli,  non  alios  tam  crudeliter  tractari  quam  Anabaptistas  ac  turbulentos  homines,  qui  perversis  deliriis  non  religionem  modo  sed  totum  ordinem  politicum  convellerent.  Ego  hoc  ab  aulicis  artificibus  agi  videns,  non  modo  ut  indigna  sanguinis  innoxii  effusio  falsa  sanctorum  Martyrum  infamia  sepeliretur,  sed  ut  posthac  per  caedes  quaslibet  absque  ullius  misericordia  grassari  liceret,  silentium  meum  non  posse  a  perfidia  excusari  censui,  nisi  me  pro  virili  opponerem.  Haec  mihi  edendae  Institutionis  causa  fuit:  primum  ut  ab  iniusta  contumelia  vindicarem  fratres  meos,  quorum  mors  pretiosa  erat  in  conspectu  Domini:  deinde,  quum  multis  miseris  eadem  instarent  supplicia,  pro  illis  dolor  saltem  aliquis  et  sollicitudo  exteras  gentes  tangeret.  Neque  enim  densum  hoc  et  laboriosum  opus,  quale  nunc  exstat,  sed  breve  duntaxat  enchiridion  tunc  in  lucem  prodiit,  neque  in  alium  finem  nisi  ut  testata  esset  eorum  fides,  quos  videbam  ab  impiis  et  perfidis  adulatoribus  scelerate  proscindi.  Porro,  an  propositum  esset  mihi  famam  aucupari,  patuit  ex  brevi  discessu,  praesertim  quum  nemo  illic  sciverit  me  autorem  esse.  Quod  etiam  alibi  semper  dissimulavi,  et  in  animo  erat  idem  institutum  prosequi,  donec  Genevae,  non  tam  consilio  vel  hortatu,  quam  formidabili  Gulielmi  Farelli  obtestatione  retentus  sum,  ac  si  Deus  violentam  mihi  e  coelo  manum  iniiceret.  Quum  rectum  iter  Argentoratum  tendenti  bella  clausissent,  hac  celeriter  transire