3:23  23  EPISTRE  24  nelle,  comme  s'il  estoit  la  enclos  localement.  Ceux  estoyent  Peres,  desquels  l'un  ordonna  que  ceux  fussent  du  tout  reiettez  de  l'usage  de  la  Cene,  lesquels  prenans  l'une  des  especes,  s'abstenoyent  de  la  seconde.  L'autre  maintient  qu'il  ne  faut  denier  au  peuple  chrestien  le  sang  de  son  Seigneur,  pour  la  confession  duquel  il  doit  espandre  son  sang.1)  Ils  ont  osté  ces  limites,  quand  rigoureusement  ils  ont  commandé  la  mesme  chose  que  l'un  de  ceux-là  punissoit  par  excommunication,  l'autre  par  forte  raison  reprouvoit.  Celuy  pareillement  estoit  du  reng  des  Peres,  qui  afferme  que  c'est  temerité2)  de  determiner  de  quelque  chose  obscure  en  une  partie  ou  en  l'autre,  sans  clairs  et  evidens  tesmoignages  de  l'Escriture.3)  Ils  ont  oublié  ceste  borne,  quand  ils  ont  conclu  tant  de  constitutions,  canons  et  determinations  magistrales,  sans  quelque  parolle  de  Dieu.  C'estoit  un  des  Peres4)  qui  reprochoit  à  Montanus,  qu'entre  autres  heresies  il5)  avoit  le  premier  imposé  loix  de  iusner.  6)  Ils  ont  aussi  outrepassé  ces  limites,  quand  par  estroite  loy  ils  ont  ordonné  les  iusnes.  C'estoit  un  Pere7)  qui  a  soustenu  le  mariage  ne  devoir  estre  defendu  aux  Ministres  de  l'Eglise,  et  a  declairé  la  compagnie  de  femme  legitime,  estre  chasteté:8)  et  ceux9)  qui  se  sont  accordez  à  son  authorité,  estoyent  Peres.  Es  sont  eschappez  outre  de  ceste  borne,  quand  ils  ont  ordonné  l'abstinence  de  mariage  à  leurs  prestres.  Celuy10)  qui  a  escrit  qu'on  doit  escouter  un  seul  Christ,  duquel  il  est  dit  de  par  le  Pere  celeste,  Escoutez-le:  et  qu'il  ne  faut  avoir  esgard  à  ce  qu'auront  fait  ou  dit  les  autres  devant  nous,  mais  seulement  à  ce  qu'aura  commandé  Christ,  qui  est  le  premier  de  tous:11)  cestuy-là  dy-ie,  estoit  des  plus