28:23  23  SERMON  CXXVI.  24  cores  qu'il  n'y  ait  nulle  recommandation,  ce  semble,  et  que  l'equite  ne  soit  sinon  entre  les  nommes:  si  est-ce  que  Dieu  veut  que  la  nous  ayons  affection  de  nous  former  tant  mieux:  et  que  quand  ce  viendra  a  nos  prochains,  que  nous  soyons  la  retenus,  pour  dire:  Et  quoy?  Il  ne  nous  sera  point  licite  d'estre  cruels  contre  les  oiseaux:  et  comment  le  serons-nous  contre  ceux  qui  sont  de  nostre  nature,  ou  nous  voyons  l'image  de  Dieu  imprimee?  Yoila  donc  ce  que  nous  avons  a  retenir  en  premier  lieu,  quand  nostre  Seigneur  a  ainsi  parle  des  petis  oiseaux.  Or  venons  au  contenu  de  ceste  loy.  Il  est  dit:  Tu  laisseras  eschapper  la  mere,  tu  prendras  seulement  les  petis  pour  toy.  Quand  une  mere  couve  ses  petis,  la  nous  avons  une  image  de  l'office  qu'a  une  mere  envers  ses  enfans:  et  les  povres  oiseaux  nous  apprennent  quelque  fois  nostre  lecon,  quand  les  hommes  et  les  femmes  sont  si  brutaux,  qu'il  faut  que  Dieu  les  renvoye  a  l'eschole  des  bestes.  Car  quand  le  Prophete  Isaie  dit:  Un  boeuf  a  cogneu  restable  de  son  maistre,  et  un  asne  cognoist  sa  creche;  par  cela  il  veut  monstrer  aux  hommes  leur  villenie,  et  comme  s'il  leur  reprochoit:  Vous  estes  pires  que  ne  sont  les  bestes  brutes  :  allez  donc  apprendre  la.  Car  un  boeuf  quand  il  cognoist  la  creche  de  son  maistre,  ou  son  estable,  il  vous  monstre  que  vous  devez  cognoistre  le  Seigneur  vostre  Dieu.  Et  quand  il  vous  veut  recueillir  en  son  trouppeau,  et  en  son  Eglise,  que  vous  estes  bestes  sauvages,  ne  monstrez-vous  pas  que  vous  avez  oublie  tout  ordre  de  nature?  Et  ainsi,  quand  le��  oiseaux  auront  telle  solicitude  de  leurs  petis,  il  est  certain  qu'ils  apprendront  la  lecon  aux  hommes  et  aux  femmes,  quand  on  voit  qu'ils  n'ont  nul  soin  de  leurs  enfans:  comme  on  en  voit  des  gourmans,  qui  ne  se  soucieront  point  de  laisser  leurs  femmes  et  enfans  mourir  de  faim  en  leur  maison,  et  n'en  auront  nul  soin:  et  cependant  ils  iront  dependre  trois  fois  autant  a  la  taverne  qu'ils  pourroyent  employer  a  leur  famille.  Apres,  il  y  aura  des  meres  qui  ne  se  soucieront  gueres  de  leurs  enfans,  elles  ne  demandent  qu'a  s'en  detrapper,  qu'elles  ne  veulent  point  en  avoir  la  fascherie:  et  en  cela  monstrent-elles  qu'il  n'y  a  nulle  amour  ni  humanite,  et  qu'elles  sont  pires  que  les  bestes  brutes,  lesquelles  nous  monstrent  nostre  lecon  en  cest  endroict-la.  Car  combien  que  les  bestes  n'ayent  le  soin  de  leurs  petis,  sinon  iusques  a  ce  qu'ils  se  peuvent  provoir  d'eux-mesmes:  tant  y  a  que  la  les  hommes  sont  enseignez  de  leur  devoir  et  office,  et  ce  qu'ils  ont  a  faire  tout  le  temps  de  leur  vie.  Pourquoy  est-ce  que  les  oiseaux  ne  pensent  point  de  leurs  petis,  sinon  iusques  a  ce  qu'ils  se  provoyent  d'eux-mesmes?  D'autant  qu'un  oiseau  n'est  pas  cree  au  monde,  pour  estre  gouverne  de  son  pere  et  de  sa  mere  tout  le  temps  de  sa  vie,  il  n'est  point  astraint  a