27:23  23  SERMON  LXX.  24  Le  Seigneur  vous  benisse,  et  vous  conserve:  le  Seigneur  face  luire  sa  face  sur  vous,  et  vous  face  misericorde:  le  Seigneur  retourne  son  regard  vers  vous,  et  vous  benisse.  Or  par  cela  nous  voyons  que  non  seulement  il  falloit  que  les  Levites  louassent  Dieu,  comme  c'estoit  bien  leur  office:  mais  qu'ils  benissent  le  peuple  en  son  nom.  Ce  sont  deux  choses  diverses:  Benir  le  nom  de  Dieu,  pour  faire  hommage  a  Dieu  de  tous  les  biens  qu'il  nous  aura  eslargis,  protestant  que  nous  tenons  tout  de  sa  pure  bonte,  et  qu'il  en  est  l'autheur,  que  sans  luy  nous  sommes  miserables,  que  nous  n'avons  pas  une  seule  goutte  de  bien,  si  ce  n'est  d'autant  que  luy  seul  nous  en  fait  participans:  voila  donc  comme  nous  benissons  Dieu,  et  que  nous  magnifions  son  nom,  c'est  en  recognoissant  qu'il  est  la  fontaine  de  tout  bien,  et  que  tout  ce  que  nous  avons,  procede  de  luy,  et  de  sa  pure  liberalite.  Or  cela  estoit  bien  aux  Levites,  comme  nous  voyons  qu'ils  ont  eu  la  charge  de  chanter,  et  encores  que  tout  le  peuple  fust  la,  et  que  les  louanges  de  Dieu  deussent  resonner  en  toutes  bouches  :  si  est-ce  que  les  Levites  monstroyent  le  chemin,  et  conduisoyent  la  melodie.  Mais  cependant  ils  benissoyent  aussi  au  nom  de  Dieu.  Et  comment?  c'est  qu'ils  rendoyent  tesmoignage  de  la  grace  de  Dieu  au  peuple:  et  cela  auiourd'huy  encores  a  lieu  en  ceux  qui  sont  constituez  Ministres  de  la  parolle.  Car  pourquoy  est-ce  que  nous  preschons  iournellement  l'Evangile,  sinon  pour  benir  au  nom  de  Dieu  ce  qui  estoit  auparavant  en  malediction?  Car  de  nature  nous  sommes  tous  maudits,  et  reprouvez:  et  ainsi  il  est  besoin  que  nous  soyons  retirez  de  la  povrete  en  laquelle  nous  sommes,  et  n'y  a  autre  moyen,  sinon  que  Dieu  se  declaire  amiable,  et  propice  envers  nous:  et  c'est  la  benediction  dont  il  est  ici  parle.  Car  quand  l'Escriture  dit  que  Dieu  benit  les  hommes,  c'est  a  dire,  que  par  effect  il  leur  monstre  qu'il  les  aime,  et  leur  fait  sentir  le  fruict,  et  la  vertu  de  ses  graces,  et  de  son  adoption  paternelle.  Advisons  donc  maintenant  quand  nous  venons  pour  ouyr  l'Evangile,  a  quelle  fin  c'est:  assavoir  que  Dieu  nous  regarde  en  pitie,  nous  miserables  creatures,  et  qu'il  affranchisse  la  malediction  qui  est  en  nous:  d'autant  que  nous  meritons  d'estre  reiettez  de  luy,  que  neantmoins  il  se  declaire  benin  envers  nous:  au  lieu  qu'il  nous  devroit  estre  ennemi,  et  a  bon  droict,  qu'il  se  monstre  nostre  Pere.  Advisons  (di-ie)  de  faire  nostre  profit  de  ceste  doctrine,  quand  elle  nous  est  preschee.  Car  si  nous  avions  un  tesmoignage  que  Dieu  se  declaire  favorable  envers  nous  en  abolissant  toute  inimitie  qui  estoit  a  cause  de  nos  offenses,  si  cela  estoit  bien  imprime  en  nos  coeurs,  nous  aurions  un  autre  desir  de  magnifier  sa  louange,  que  nous  n'avons  pas.  Quel  thresor  est-ce  que  nostre  Seigneur  se  declaire,  comme  si  nous  le  voyons  en  per-