26:23  23  SERMON  XII.  24  tant  supporte,  et  ausquels  il  s'estoit  monstre  si  benin:  mais  ceste  ingratitude-la  neantmoins  n'a  point  deu  faire  que  les  enfans  d'Israel  ne  se  monstrassent  humains  envers  eux.  Car  ce  qu'ils  les  avoyent  ainsi  espargne,  c'a  este  pour  augmenter  leur  condamnation  tant  plus:  ie  di  de  ceux  qui  ont  mal  recogneu  un  tel  bien.  Et  cependant  Dieu  n'a  pas  laisse  de  punir  une  telle  vilienie.  Donc  nous  sommes  enseignez  en  premier  lieu,  qu'il  ne  nous  faut  point  regarder  si  les  hommes  recognoissent  le  bien  qui  aura  este  fait  par  nous.  Car  encores  qu'il  semble  que  nous  ayons  perdu  ce  que  nous  avons  feit:  qu'il  nous  suffise  que  Dieu  approuve  nostre  obeissance,  quand  il  nous  dit:  Soyez  humains  envers  tous:  et  quand  nous  aurons  tasche  de  bien  faire  a  chacun,  et  ne  nuire  a  personne,  si  les  hommes  ne  cognoissent  point  cela,  et  qu'ils  nous  facent  tout  au  rebours:  et  bien,  que  ce  nous  soit  tout  un:  portons  patiemment  leur  ingratitude.  Et  pourquoy?  Nous  avons  servi  a  Dieu,  lequel  n'oubiira  point  ce  que  nous  aurons  fait.  Quand  donc  il  y  aura  une  telle  perversite  au  monde,  que  nous  aurions  occasion  de  nous  fascher  et  despiter  :  tant  y  a  que  nous  devons  tousiours  aller  nostre  train  que  Dieu  nous  commande.  Voila  pour  un  item.  Et  c'est  une  doctrine  bien  necessaire  auiourd'huy:  car  si  nous  voulions  conter  et  rabbatre,  devant  qu'exercer  humanite  envers  les  uns  et  les  autres:  et  queseroit-ce?  Quand  commenceroit-on  a  bien  faire?  Car  nous  voyons  tout  le  monde  estre  tant  corrompu,  que  c'est  pitie:  il  semble  que  nous  iettions  en  la  gueule  d'un  loup,  ou  d'un  chien  enrage  ce  que  nous  ferons,  et  que  ce  ne  soit  sinon  pour  irriter  tant  plus  la  malice  de  ceux  qui  demandent  d'abuser  de  nostre  simplicite:  mais  si  faut-il  neantmoins  que  nous  regardions  a  ce  que  Dieu  nous  commande.  Or  si  les  hommes  de  leur  coste  sont  si  malins  et  pervers  :  notons  que  comme  Dieu  s'est  venge  de  ce  que  les  Moabites,  les  Idumeens,  et  Ammonites  avoyent  ainsi  rudoye  les  enfans  d'Israel,  qu'il  fera  auiourdhuy  le  semblable.  Nous  avons  desia  dit,  que  souvent  aux  Prophetes  il  est  fait  mention  de  ce  que  ces  peuples  ici  avoyent  rendu  un  si  maigre  salaire  aux  enfans  d'Israel:  et  Dieu  cesse-il  du  ciel?  Nenni.  Car  combien  que  les  enfans  d'Israel  ne  se  plaignissent  point  :  voici  Dieu  qui  prend  leur  cause,  et  se  constitue  partie  ad  verse  contre  ces  peuples  ici:  il  n'attend  pas  que  la  clameur  de  ceux  qui  auront  este  affligez  vienne,  et  qu'elle  s'escoule  en  Pair:  mais  il  envoye  ses  Prophetes,  et  declare  que  comme  il  ha  le  peuple  d'Israel  en  sa  protection,  qu'il  se  vengera  de  l'outrage  qui  leur  aura  este  fait;  combien  que  de  leur  coste  ils  souiFroyent  a  bon  droit:  pource  qu'ils  s'estoyent  revolte  de  la  subiection  de  Dieu.  Mais  tant  y  a  encores,  que  les  Idumeens,  Moabites,  et  Ammonites  devoyent  avoir