25:23  23  SANCTIONES  A  PROMISSIONIBUS  ET  MINIS.  24  38.  Et  peribitis  inter  gentes,  et  absumet  vos  terra  inimicorum  vestrorum.  39.  Et  qui  remanserint  ex  vobis,  dissolventur  propter  iniquitatem  suam  in  terris  inimicorum  vestrorum,  atque  etiam  propter  iniquitates  patrum  suorum,  cum  eis  dissolventur.  40.  Donec  confiteantur  iniquitatem  suam,  et  iniquitatem  patrum  suorum,  iuxta  praevaricationem  suam  qua  praevaricati  sunt  in  me:  et  etiam  quod  ambulaverint  mecum  fortuito:  41.  Quod  etiam  ego  ambulaverim  cum  illis  fortuito,  et  induxerim  eos  in  terram  inimicorum  suorum:  tuncque  humilietur  cor  eorum  incircumcisum,  ac  propitient  pro  iniquitate  sua.  42.  Tunc  recordabor  pacti  mei  cum  Iacob,  et  etiam  pacti  mei  cum  Isaac,  et  insuper  pacti  mei  cum  Abraham  recordabor,  terrae  quoque  memor  ero.  43.  Terra  interim  deseretur  ab  eis,  et  perficiet  Sabbatha  sua  quae  desolata  est  propter  illos,  et  ipsi  exsolvent  mulctam  suam,  eo  quod,  inquam,  iudicia  mea  spreverint,  et  decr  ata  mea  abominata  sit  anima  eorum.  4A.  Et  tamen  etiam  hoc  modo  quum  ipsi  fuerint  in  terra  inimicorum  suorum,  non  reprobavi  eos,  neque  abominatus  sum  eos,  ut  consumerem  eos,  irritum  faciendo  pactum  meum  cum  eis  :  ego  enim  Iehova  Deus  eorum.  45.  Sed  recordabor  propter  eos  pacti  priorum,  ego  qui  eduxi  eos  e  terra  Aegypti  in  oculis  gentium,  ut  essem  illis  in  Deum:  ego  Iehova.  14.  Si  autem  non.  Hactenus  in  promissionibus  blanda  invitatio  proposita  fuit,  ut  populo  legis  observatio  amabilis,  et  iucunda  redderetur:  quandoquidem  ante  visum  fuit,  tunc  demum  probari  Deo  nostrum  obsequium  ubi  libenter  paremus.  Sed  quoniam  stimulis  opus  habet  carnis  pigrities,  minae  quoque  adduntur  ad  terrorem,  quae  saltem  extorqueant  quod  sponte  praestandum  erat.  Videtur  quidem  hoc  modo  posse  colligi,  minis  ad  legis  obedientiam,  quae  voluntaria  esse  debet,  absurde  trahi:  nam  qui  metu  cogitur,  Deum  nunquam  diliget:  quod  tamen  praecipuum  est  caput  legis.  Verum  quod  ante  docui,  aliqua  ex  parte  ad  solvendum  hunc  nodum  valebit,  legem  scilicet  mortiferam  esse  transgressoribus,  quia  damnatione  quam  sibi  per  vanas  blanditias  remitti  cuperent,  eos  constringit.  Quanquam  in  alium  quoque  finem  prosunt  minae  filiis  Dei,  tum  ut  praeparentur  ad  Deum  ex  animo  timendum  ante  quam  sint  regeniti,  tum  ut  post  regenerationem  quotidie  subigantur  vitiosi  eorum  affectus.  Quamvis  enim  sincere  cupiant  se  totos  Deo  addicere,  tamen  cum  reliquiis  carnis  suae  assidue  illis  certandum  est.  Itaque  licet  minae  ad  reprobos  terrendos  proprie  spectent,  fidelibus  tamen  communes  sunt  ad  stimulandam  eorum  segnitiem,  quatenus  nondum  prorsus  sunt  regeniti,  sed  onerantur  adhuc  peccati  reliquiis.  15.  El  si  decreta  mea.  Videtur  hoc  nonnisi  ad  impios  et  sceleratos  apostatas  dirigi:  qui  a  Dei  cultu  et  pietate  ex  professo  deficiunt.  Nam  si  quis