24:23  23  COMMENTARIUS  IN  EXODI  CAP.  II.  24  nionem  e  coelo  Deus  apparuisset  deploratae  salutis  vindex.  Neque  tamen,  ut  in  rebus  tranquillis,  iudicium  tam  de  patre  quam  de  matre  ferendum  est.  Coniicere  enim  promptum  est  quam  acerbo  luctu  prosequuti  sint  infantis  funus.  Imo  (ut  verius  loquar)  vix  concipere  licet  quam  diris  tormentis  cruciati  fuerint.  Itaque  ubi  narrat  Moses  arculam  a  matre  contextam  et  aptatam  fuisse,  patrem  ita  moerore  fuisse  obrutum  subindicat  ut  nullis  iam  partibus  sufficeret.  Hoc  modo  clarius  patefacta  fuit  Dei  virtus,  ubi  sola  mulier,  exanimato  marito,  in  se  recepit  totum  onus.  Neque  enim,  si  commune  fuisset  factum,  Moses  eius  laudem  matri  in  solidum  tribueret.  Maritum  quidem  apostolus  (Heb.  l  l  ,  23)  socium  laudis  adiungit:  et  merito,  quia  verisimile  non  est  nisi  eo  conscio  et  volente  educatum  fuisse  puerum.  Verum  Deus  qui  solet  infirma  mundi  eligere,  feminam  potius  quam  virum  spiritus  sui  fortitudine  instruxit,  ut  praeiret.  Eadem  etiam  ratio  valet  in  puella  sorore,  cui  mater  summum  et  ultimum  actum  resignat.  Ita  dum  Maria,  quae  ob  teneram  aetatem  exempta  esse  a  discrimine  videbatur,  custos  praeficitur  vitae  fratris,  utriusque  parentis  officium  deficere  apparet.  2.  Vidensque  eum  esse  pulchrum.  Non  dubium  est  hac  forma  divinitus  fuisse  insignitum,  quae  animos  parentum  ad  eum  servandum  magis  alliceret:  ut  interdum  solet  Deus,  ubi  suos  videt  esse  ad  officium  tardiores,  eorum  pigritiem  blanditiis  excitare.  Quanquam  ex  testimonio  apostoli  constat,  non  hanc  solam  illecebram  valuisse  ad  provocandam  misericordiam  :  sed  imbecillae  fidei  fuisse  adminiculum.  Fide  enim  Mosen  custoditum  fuisse  docet  a  parentibus.  Siquis  obiiciat  fidem  et  pulchritudinis  respectum,  res  esse  non  tantum  longe  diversas,  sed  prope  contrarias:  respondeo,  mirabili  Dei  indulgentia  factum  esse  ut  fidem  iuvaret  impedimentum  quod  eam  obnubilare  poterat:  quando  in  solas  promissiones  intenta  et  fixa  esse  debet.  Ergo  si  pura  et  liquida  luxisset  fides  in  eorum  cordibus,  formam  nihil  morali  essent,  rursum  nisi  promissio  viguisset,  imo  primas  tenuisset,  non  erat  in  corporis  venustate  tantum  efficaciae  ut  eos  traheret  ad  mortem  libenter  oppetendam.  Sequitur  ergo,  quum  bene  de  redemptione  sibi  promissa  sperarent,  animum  illis  obiecta  pulchritudine  fuisse  addictum,  et  ita  provocatos  ad  misericordiam  ut  remoras  omnes  vincerent.  Atque  ita  saepe  operari  solet  Deus,  ut  suos  quasi  caecos  in  tenebris  manu  ducat,  ubi  destituti  consilio  et  animis  liquefacti  vacillant.  In  summa,  amor  ex  forma  elicitus  adeo  pars  fidei  non  fut  ut  merito  eius  laudem  obscuret.  Verum  Deus,  qui  pro  mirifica  sua  sapientia  convertere  electis  omnia  potest  in  bonum:  nutantem  eorum  fidem  sustinuit  ac  firmavit  i  a  c  fultura.  4.  Stetit  vero  soror  eius.  Hanc  fuisse  Mariam