21:23  23  VIE  DE  CALVIN  Eglise,  c'est  assavoir  l'an  1536,  il  peut  si  bien  et  heureusement  manier  en  publique  dispute,  sans  que  le  Magistrat  y  ait  mis  la  main,  que  des  lors  la  race  en  fut  perdue  en  ceste  Eglise:  ce  qui  est  d'autant  plus  admirable  que  la  plus  part  des  Eglises  d'Allemagne  en  sont  encores  bien  fort  empeschees:  et  s'il  y  en  a  qui  en  soyent  delivrees,  c'a  este  plustost  par  rigueur  de  justice  que  autrement.  [page  4]  II  eut  un  autre  combat  a  soustenir  contre  un  apostat  nomme  Caroli  sur  plusieurs  calomnies,  lequel  estant  semblablement  abbatu,  tant  par  escrit  que  de  bouche,  et  dechasse  de  l'Eglise  de  Dieu,  est  mort  miserablement  a  Rome  dedans  un  hospital,  pour  servir  d'exemple  a  ceux  qui  se  revoltent  de  Iesus  Christ  pour  suivre  un  maistre  qui  recompense  si  mal  ses  serviteurs,  et  en  ce  monde  et  en  l'autre.  En  un  autre  temps,  c'est  assavoir  l'an  1553,  Michel  Servet  Espagnol  de  maudite  memoire  survint,  non  pas  homme,  mais  plustost  un  monstre  horrible,  compose  de  toutes  les  heresies  anciennes  et  nouvelles,  et  surtout  execrable  blasphemateur  contre  la  Trinite  et  nommement  contre  l'eternite  du  Fils  de  Dieu.  Cestuy-ci  estant  arrive  en  ceste  ville,  et  saisi  par  le  Magistrat  a  cause  de  ses  blasphemes,  y  fut  tellement  et  si  vivement  combattu,  que  pour  toute  defense  il  ne  luy  demeura  qu'une  opiniastrete  indontable,  a  raison  de  laquelle,  par  iuste  iugement  de  Dieu  et  des  hommes,  il  sina  *  par  le  supplice  de  feu  sa  malheureuse  vie  et  ses  blasphemes  qu'il  avoit  desgorgez  de  bouche  et  par  escrit  par  l'espace  de  trente  ans  et  plus.  Environ  deux  ans  auparavant  s'estoit  presente  un  certain  Triacleur  Carme  et  soudain  devenu  de  Theologien  Medecin,  nomme  Hierosme  Bolsec  de  [page  5]  Paris,  lequel  pour  se  faire  valoir,  pensant  estre  arrive  en  son  Cloistre  et  non  en  une  Eglise  de  Dieu,  de  laquelle  il  n'avoit  iamais  rien  sceu  que  par  ouyr  dire:  et  puis  aussi  solicite  par  quelques  garnemens,  desquels  il  sera  parle  ci  apres,  commenca  en  pleine  Congregation  de  reprendre  la  doctrine  de  la  Providence  et  Predestination  eternelle:  comme  si  nous  faisions  Dieu  autheur  de  peche  et  coulpable  de  la  condamnation  des  meschans.  Calvin  s'opposa  sur  le  champ  a  ce  loup  desguise  et  luy  respondit  tellement  de  bouche  en  public  et  eu  particulier,  et  puis  aussi  par  escrit,  que  rien  ne  demeura  a  l'adversaire  de  verite  qu'une  seule  impudence  Monachale  qui  l'a  rendu  et  rend  encores  auiourd'huy  puant  a  tout  homme  qui  a  quelque  bon  sentiment:  voire  par  son  propre  iugement,  comme  il  se  monstrera  par  tesmoignage  de  sa  main,  toutes  fois  et  quantes  que  besoin  sera.  Car  ce  mal-heureux  qui  avoit  merite  punition  pour  un  acte  seditieux,  estant  traite  par  le  Magistrat  en  toute  douceur,  a  cause  qu'on  estimoit  qu'il  y  auroit