2:23  INSTITUTIO  REL.  CHRIST.  1559.  quem  stulte  admirantur,  sed  longe  alia  nota  contineri:  nempe  pura  verbi  Dei  praedicatione,  et  legitima  sacramentorum  administratione.  Fremunt  nisi  ecclesia  digito  semper  ostendatur.  Sed  quam  saepe  in  populo  Iudaeorum  sic  deformari  contigit  ut  nulla  species  emineret?  quam  putamus  formam  resplenduisse,  quum  Helias  solum  se  relictum  deploraret  (1  Reg.  19,  11)?  quamdiu  ab  adventu  Christi  deformis  latuit?  quoties  ab  eo  tempore  bellis,  seditionibus,  haeresibus  sic  oppressa  est  ut  nulla  parte  fulgeret?  An  si  eo  tempore  vixissent,  credidissent  ullam  esse  ecclesiam?  Sed  audivit  Helias  salva  esse  septem  millia  virorum  qui  non  curvaverant  genu  coram  Baal.  Nec  dubium  nobis  esse  debet  quin  semper  in  terris  regnaverit  Christus  ex  quo  coelum  ascendit.  Notabilem  vero  aliquam  formam  si  tum  pii  oculis  requisiissent,  nonne  protinus  concidissent  animis?  Et  sane  id  iam  summi  vitii  loco  in  suo  saeculo  ducebat  Hilarius,  quod  stulta  episcopalis  dignitatis  admiratione  occupati,  latentem  sub  ea  larva  exitialem  lernam  non  animadverterent.  Sic  enim  loquitur:  l)  unum  moneo,  cavete  antichristum;  male  enim  vos  parietum  amor  cepit;  male  ecclesiam  Dei  in  tectis  aedificiisque  veneramini;  male  sub  iis  pacis  nomen  ingeritis:  anne  ambiguum  est  in  iis  antichristum  esse  sessurum?  montes  mihi,  et  sylvae,  et  lacus,  et  carceres,  et  voragines  sunt  tutiores;  in  iis  enim  prophetae  aut  manentes  aut  demersi  prophetabant.  Quid  autem  hodie  in  cornutis  suis  episcopis  mundus  veneratur,  nisi  quoniam  sanctos  esse  religionis  praesules  autumat  quos  celebribus  urbibus  videt  praesidere?  Apagesis  ergo  tam  stupidam  aestimationem.  Quin  potius  permittamus  hoc  Domino:  ut  quando  ipse  solus  novit  qui  sui  sint  (2  Tim.  2,  19),  interdum  etiam  ecclesiae  suae  exteriorem  notitiam  ab  hominum  aspectu  auferat.  Est,  fateor,  horribilis  illa  Dei  vindicta  super  terram,  sed  si  ita  meretur  hominum  impietas,  cur  istae  Dei  ultioni  obsistere  nitimur?  Sic  anteactis  saeculis  Dominus  hominum  ingratitudinem  ultus  est.  Nam  quia  veritati  suae  obedire  noluerant,  et  1)  Contra  Auxentium.