18:23  23  EPISTOLAE  3167.3168  amicos  aliquos  literis  illis  omnibus  indicarem  eum  a  me  expulsum  atque  e  domo  eiectum  ob  eius  aliqua,  nec  leviora  quidem,  facinora.  Inde  enim  colligere  in  promptu  erat,  nebulonem  perversae  vindictae  causa  adversum  me  talia  disseminare.  Quod  feci  atque  firmis  rationibus  comprobavi,  et  testimonio  D.  Huldrici  Cocceii,  huius  ecclesiae  ministri,  ubi  opus  erat  corroboravi.  Denique  confessionem  fidei  meae,  brevem  certe  sed  perlucidam  satis  ac  articulos  omnes  comprehendentem  ad  collegium  ipsum  exaravi:  quod  etiam  eo  consilio  libenter  feci  ne  deinceps  malevolis  et  mei  nominis  hostibus  infensissimis  aliquo  unquam  praetextu  daretur  obtrectandi  locus.  Meministi  enim,  vir  prudentissimo,  ut  aliquando  istic  non  erubuerint  nonnulli  quasi  ex  aere  materiam  conflare,  unde  et  mihi  grave  facerent  negotium  et  fidem  meam  quoquo  pacto  diffamarent.  Nunc  vero  quid  consilii  caperem,  ut  apud  pium  istum  magistratum  ac  apud  te,  quos  ego  ambos  unice  colo,  innocentiam  meam  declararent  non  immerito  haesitans,  decrevi  tandem  ad  te  scribere.  Nam  etsi  non  dubito  quin  neuter  vestrum,  pro  ea  qua  estis  pietate  atque  prudentia  praediti,  famuli  contra  herum,  eumque  absentem,  infamiam  admiserit,  multoque  minus  fidem  illi  habuerit  altera  non  audita  parte:  nihilominus  e  re  fore  existimavi  ne  te  huius  veritatis  agnoscendae  forte  cupidum  relinquerem.  Sic  itaque,  ut  unico  verbo  me  expediam,  res  habet.  Eoletus  in  omnibus  de  quibus  me  accusat  turpiter  ac  nequiter  mentitur.  Calvinum  enim  quoad  possum  amo,  quoad  licet  veneror,  doctrinam  eius  per  omnia  amplector:  haec  altas  in  me  radices  egit,  huic  vel  illi  si  quis  infensus  est,  et  mihi  quoque  infensum  esse  oportet.  Quid  plura?  Vix  hic  semel  vidi,  imo  ne  vix  quidem  eum  novi  qui  tibi  ac  doctrinae  tuae  adversarium  vulgo  Genevae  constituitur.  Quae  omnia  Domino  ipsi  nota  sunt,  quem  unum  ego  testem  appello.  JRoleti  integram  historiam,  h.  e.  quibus  eum  eiecerim  flagitiis,  quibus  coniecturis,  quibus  firmis  rationibus,  quibus  tandem  demonstrationibus  ac  testibus  mendacii  convincatur,  quin  etiam  fidei  meae  confessionem,  quae  omni  ex  parte  cum  Genevensi  confessione  congruit,  ex  nostro  Italico  collegio  licebit  petere:  atque  ut  petas  non  solum  rogo  sed  obtestor.  Caeterum  si  his  perlectis  atque  illis  meis  visis  literis  nondum  tibi  neque  omnibus  piis  istis  satisfactum  putas,  ne  graveris  obsecro,  et  in  Dei  gloriam,  et  in  iniuste  oppressi  hominis  defensionem,  nobis  quamprimum  indicare.  Tunc  enim  statui  ad  vos  me  illico  conferre  et  maculam  coram  abstergere,  quam  impurus  sycophanta  mihi  inustam  esse  omnino  tentat.  Nam  et  istius  prudentissimi  ac  pientissimi  magistratus  legibus  et  istius  venerandae  ac  sanctae  ecclesiae  disciplinae  me  perpetuo  atque  in  omnibus  obstrictum  volo,