16:23  23  EPISTOLAE  2385.2386  24  D.  a  Lasco  plurimum  te  salutat,  qui  nisi  morbo  impediretur  ad  te  scripturus  erat.  Nam  valde  offensus  fuit  narratione  Augustini  in  3  art.,18)  in  quo  D.  a  Lasco  indigne  sugillat,  quem  indignius  multo  compellaverat  in  illo  caeteris.  Sed  crede  mihi  ista  omnia  sunt  indigna  chartis.  Nisi  hic  propter  aliquas  divitias  haberet  quorundam  hominum  applausum,  turpiter  ab  omnibus  exploderetur.  Nihil  magis  unquam  invitus  feci,  quam  descripsi  has  apologias.  Sunt  quidam  qui  nobis  hic  obtruserunt  D.  Crispinum,  19)  quibus  ideo  sum  reluctatus  quod  non  putarem  virum  velle  tali  iugo  colla  subiicere.  Attamen  nolui  te  id  latere,  si  forte  illi  non  de  nihilo  talia  de  ipso  loquuti  essent.  Multis  ille  nominibus  esset  mihi  gratissimus.  Utinam  Dominus  donet  nobis  alterum  JRichardum.  Dominus  Iesus  te  sospitet  suaeque  quam  diutissime  bervet  incolumem  ecclesiae.  Raptim  8.  Febr.  1556.  Tuus  observantissimus  clientulus  et  discipulus  in  Christo  V.  Pollanus.  Uxorcula  mea  te  reverenter  resalutat.  Saluta  meis  verbis  plurimum  D.  Sanctandreanum  et  Haymondum  cum  reliquis  symmystis:  D.  Crispinum  quoque,  obsecro.  Dum  hic  tabellarius  abitum  differt,  ecce  D.  Io.  a  Giawhurgo  de  mittendo  ipso  aut  alio  Genevam  ad  te  mecum  agit,  cum  suis  literis20)  et  omnibus  scriptis,  ut  mihi  exposuit.  Rogo  te,  mi  venerande  in  Christo  pater,  ut  quam  citissime  possis  respondeas.  Non  videbatur  causa  bono  domino  usque  adeo  difficilis:  sed  voluit  in  gratiam  ecclesiae  atque  etiam  ad  evitandas  omnes  rationes  tuo  uti  iudicio  et  consilio.  Dominus  Iesus  omnia  bene  vertat  ad  sui  nominis  gloriam  et  ecclesiae  aedificationem.  De  Aquisgrano21)  et  Wesalia  nihil  scribo.  Intelliges  ex  hoc  fratre  omnia.  Iterum  vale  in  Christo  feliciter.  12.  Febr.  1556.  T.  observantissimus  filius  et  discipulus  in  Christo  V.  Pollanus.  D.  a  Lasco  plurimum  te  salutat.  Cui  valde  molestum  est  quod  scribere  nequeat,  postquam  intellexit  D.  Glawburgium  haec  ad  te  mittere.